Преподобномучениц великой кн. Елисаветы и инокини Варвары

1.

700. 18 июля. Преподобномучениц вел.кн.Елисаветы
и инокини Варвары (17.07.2006 13:46)
Смирением достоинство княжеское сокрывши,
богомудрая Елисавето,сугубым служением Марфы и Марии
Христа почтила еси. Милосердием,терпением и любовию
себе предочистивши,яко жертва праведная Богу
принеслася еси. Мы же,чтуще добродетельное
житие и страдания твоя,яко истинную наставницу
усердно просим тя: святая мученице великая княгине
Елисавето,моли Христа Бога спасти и просветити души наша.
698. 17 июля. Преподобного Андрея Рублёва,иконописца(XVв.) (13.07.2006 16:43)
Дух Святый води твоими руками,преподобне,егда писал еси образ Пресвятыя Троицы,
в немже веру в Триединаго Бога показуеши.
Преподобне отче наш Андрее,моли Бога о нас.
Паче меры всякия благодать даровася ти,преблаженне отче,святыя иконы писати,
наипаче же образ Пресвятыя Троицы;Бога миру проповедуя,Бога Отца,Бога Сына,
Бога Духа Святаго,Иже есть Едино Существо в Трех Лицах,и Едина Премудрость,
и Едина Сила,Едино хотение,и Едино Божество. Темже и явися Церкве нашея
похвала и радование.
Преподобне отче наш Андрее,моли Бога о нас.
Дивныя Своя суды на тебе яви Господь,пред Нимже тысяща лет,яко день един,
избра тя в древния веки,прославити же восхоте в конце времен,
во утверждение Церкви.
Преподобне отче наш Андрее,моли Бога о нас.
По блаженнем созерцании образа неизреченную красоту первообраза
во свете Своем откры ти Господь,блаженне отче,и нас учиши честь
и поклонение воздавати,не вещь почитая,но первозданную красоту.
Преподобне отче наш Андрее,моли Бога о нас.
Верою сердце утвердил еси незыблемо в Господе,и славу Небесную созерцал еси
сердечныма очима,и благодатию Духа Святаго показуеши в вещественных образех
невещественная,да и мы ныне пробудимся от сна греховнаго и узрим свет Истинный.
Преподобне отче наш Андрее,моли Бога о нас.