Притецем, людие, к тихому сему и доброму пристанищу, скорой Помощнице

1.

Притецем,людие,к тихому сему и доброму пристанищу,скорой Помощнице,
готовому и теплому спасению,покрову Девы;ускорим на молитву и потщимся
на покаяние: источает бо нам неоскудныя милости Пречистая Богородица,
предваряет на помощь и избавляет от великих бед и зол
благонравныя и богобоящиеся рабы Своя.
121. Благоверному великому князю Андрею Боголюбскому (17.07.2002 11:18)
Яко благоверен и праведен,за любовь Христа Бога от своих смерть приял еси,
кровь свою пролияв,якоже прежде сродницы твои и страстотерпцы Борис и Глеб,
ихже кровем совопиет и твоя кровь,святе,к Богу,якоже Авеля и Захарии праведных,
благоверный страстотерпче,великий княже Андрее,с нимиже Христа Бога моли
о стране нашей,еже Богоугодней быти и сыновом российским спастися.
120. 17.07. Андрею Рублёву,иконописцу (16.07.2002 13:19)
Божественнаго света лучами облистаемый,преподобне Андрее,Христа познал еси
Божию премудрость и силу,и иконою Святыя Троицы всему миру проповедал еси
единство во Святей Троице.Мы же со удивлением и радостию вопием ти:
имеяй дерзновение ко Пресвятей Троице,моли просветити души наша.
Святый Боже,святый крепкий,святый бессмертный,помилуй нас.
Святый Боже,святый крепкий,святый бессмертный,помилуй нас.
Святый Боже,святый крепкий,святый бессмертный,помилуй нас.
Слава Отцу и Сыну и Святому Духу,и ныне и присно,и во веки веков,аминь.
119. Собору Тверских святых (11.07.2002 13:20)
Иже в земли Тверской прославльшиися,святителие,мученицы,преподобнии,
праведнии,и вси святии,верою,подвиги благочестия,любовию,кротостию,словом
и житием Богу благоугодившии и венцы нетления и славы украсившиися,молите
Христа Бога нашего даровати мир стране нашей и душам нашим в мире спастися.
Величаем вас,страны Тверския покровители,и чтим святую память вашу,
вы бо молите за нас Христа Бога нашего.
700. 18 июля. Преподобномучениц вел.кн.Елисаветы
и инокини Варвары (17.07.2006 13:46)
Смирением достоинство княжеское сокрывши,
богомудрая Елисавето,сугубым служением Марфы и Марии
Христа почтила еси. Милосердием,терпением и любовию
себе предочистивши,яко жертва праведная Богу
принеслася еси. Мы же,чтуще добродетельное
житие и страдания твоя,яко истинную наставницу
усердно просим тя: святая мученице великая княгине
Елисавето,моли Христа Бога спасти и просветити души наша.