532. Песнопения из служб Триоди Постной (продолж.). Псалмы

1.

Бог Господь и явися нам.
532. Песнопения из служб Триоди Постной(продолж.) (07.03.2004 12:12)
Кресту Твоему покланяемся,Владыко,и святое воскресение Твое славим.
Креста Твоего,Господи,поклонению сподобльшеся,духом приближаемся
и верою,и молящеся вопием: воскресение всех нас достигнути сподоби.
-----------------------------------------------------Повеленное тайно прием в разуме,в крове Иосифове тщанием предста безплотный,
глаголя Неискусобрачней: Приклонивый снисхождением небеса вмещается неизменно
весь в Тя: Егоже и видя в ложеснах Твоих,приемша рабий зрак,
ужасаюся звати Тебе: радуйся,Невесто Неневестная.
Воскресни,Господи,в покой Твой,Ты и кивот святыни Твоей.
-----------------------------------------------------/Памяти преподобной Марии Египетской:/
Блудами первее преисполнена всяческими,Христова невеста днесь покаянием явися,
Ангельское жительство подражающи,демоны Креста оружием погубляет.
Сего ради Царствия невеста явилася еси,Марие преславная.
-----------------------------------------------------Душеполезную совершивше Четыредесятницу,и святую седмицу страсти Твоея просим
видети,Человеколюбче,еже прославити в ней величия Твоя и неизреченное нас ради
смотрение Твое,единомудренно воспевающе: Господи,слава Тебе.
613. 2 марта. Великомученику Феодору Тирону(ок.306) (04.02.2006 12:28)
Велия веры исправления,во источнице пламене,яко на воде упокоения,
святый мученик Феодор радовашеся: огнем бо всесожегся,яко хлеб сладкий
Троице принесеся. Того молитвами,Христе Боже,спаси души наша.
Веру Христову,яко щит,внутрь приим в сердце твоем,противныя силы попрал еси,
многострадальче,и венцем небесным венчался еси вечно,Феодоре,яко непобедим.
Величаем тя,страстотерпче святый Феодоре,и чтим честная страдания твоя,
яже за Христа претерпел еси.
204. 2 марта.Сщмч.Ермогена,Патриарха Московского и всея России,
чудотворца (22.02.2003 11:39)
Российския земли первопрестольниче и неусыпный о ней к Богу молитвенниче!
За веру Христову и паству твою душу свою положив,страну нашу от нечестия избавил еси.
Темже вопием ти:спасай нас молитвами твоими,священномучениче Ермогене,Отче наш.
Темницею и гладом изнуряемь,даже до смерти верен пребыл еси,блаженне Ермогене,
малодушие от сердец людей твоих изгоняя и на общий подвиг вся призывая.
Темже и нечестивых мятеж низложил еси и державу нашу утвердил еси,
да вси зовем ти: радуйся,заступниче Российския земли.
719. 2 марта. Священномученику Ермогену,патриарху Московскому (04.02.2006 12:33)
Российския земли первопрестольниче и неусыпный о ней к Богу молитвенниче!
За веру Христову и паству твою душу свою положив,страну нашу от нечестия избавил еси.
Темже вопием ти: спасай нас молитвами твоими,священномучениче Ермогене,отче наш.
567. 3 марта.Прп.Космы Яхромского(1462г.) (18.02.2004 12:21)
Горняго желая премирнаго жития,дольняя возненавидел еси,и,взем крест свой,
последовал еси Христу,и в пустыню вселился еси,досточудне,в ней подвизася в пениих,
в бдениих и пощениих. Темже в тя вселися Пресвятый Дух,но яко имея дерзновение
ко Христу Богу,испроси людем православным здравие и спасение и не забуди
посещая чад своих,совершающих священную память твою,Космо,преподобне отче наш.