398. Мучеников Агафоника, Зотика, Феопрепия (Боголепа). Псалмы

1.

398. 4 сентября.Мучеников Агафоника,Зотика,Феопрепия(Боголепа)
(01.09.2003 13:02)
Мученицы Твои,Господи,во страданиих своих венцы прияша нетленныя от Тебе,
Бога нашего: имуще бо крепость Твою,мучителей низложиша,сокрушиша
и демонов немощныя дерзости; тех молитвами спаси души наша.
Звание благое стяжав,богомудре,мужей лукавых отвратился еси веры,
не убоявся мук,Агафониче славне. Темже благим был еси наследник
и приял еси со страждущими с тобою достойныя венцы.
416. 4 сентября.Прп.Исаакия Оптинского(1894г.) (30.08.2003 18:11)
Ублажаем тя,преподобне отче Исаакие,и чтим святую память твою,
наставниче монахов и собеседниче Ангелов.
730. 4 сентября. Грузинской иконы Божией Матери(1650) (01.09.2006 15:14)
О Чудная и Пречудная Царице Богородице,Мати Христа Бога нашего!
Услыши ны грешныя и недостойныя рабы Твоя,в час сей припадающия
и прилежно вопиющия: от бед избави нас,Владычице,и заступи,не презри
слез и воздыхания нашего,и избави нас от всякия скорби и напасти,
от злаго же и лютаго оклеветания;разве бо Тебе Предстательницы
и Ходатаицы теплыя к Сыну Твоему,Христу Богу нашему,не имамы.
Емуже молися,да спасет Тебе ради души наша,
ныне и присно и во веки веков. Аминь.
417. 4 сентября.ГРУЗИНСКОЙ иконы Божией Матери(1650г.)
(30.08.2003 18:19)
Боготечней звезде подобна явися Твоя,Богомати,икона,
по воле Твоей святей от востока на самую полунощь принесенная,
юже,яко дар небесный,восприемше,иноцы Красногорстии поставиша
в соборную церковь обители и в веселии пояху благих подателю Богу:
Слава Тебе,Боже наш.
140. 4 сентября. Г Р У З И Н С К О Й /Красногорской/
иконы Божией (04.09.2002 12:49)
Днесь светло красуется обитель Красногорская,
и с ней ликовствует Раифская пустыня,яко зарю солнечную
от востока возсиявшую,восприимши,Владычице,чудотворную
икону Твою,еюже разгоняеши мглу искушений и бед
от вопиющих верно: избави обитель нашу и вся страны
христианския от всех навет вражиих и спаси души наша,
яко Милосердная Заступница рода христианскаго.