757. 6 сент. Петровской иконы Божией Матери. Псалмы

1.

757. 6 сент. Петровской иконы Божией Матери(ок.1306г.) (04.09.2006 15:47)
Величаем Тя,Пресвятая Дево,Богоизбранная Отроковице,
и чтим образ Твой честный,имже показалася еси пречудное знамение
756. 6 сент. Перенесение мощей свт.Московского Петра,
всея России чудотворца (04.09.2006 15:44)
Наста днесь всечестный праздник пренесения честных мощей твоих,святителю Петре,
веселя изрядно твое стадо,и верное отечество,и люди,о нихже не оскудевай,
моляся Христу Богу,еже от Него дарованней ти пастве сохранитися
от враг ненаветованней и спастися душам нашим.
419. 6 сентября.Перенесение мощей свт.Петра,митр.Московского (03.09.2003 12:11)
Яко врача преизрядна и источника чудесем обильна,днесь сошедшеся любовию,
духовная твоя чада,в пренесение честных мощей твоих,архиерею Петре,
молим тя: моли Христа Бога даровати честным твоим пренесением
верному воинству нашему на враги победительная,
да твоими к Богу молитвами находящих зол избавльшеся,
радостно душею и веселием сердца благодарная ти воспоем,глаголюще:
радуйся,отче Петре,архиереев и всея Российския земли удобрение.
418. 6 сентября.Прп.Арсения Комельского(1550г.) (03.09.2003 12:02)
Удалився мира,и водворився в пустыню,и ту подвизався добрым подвигом,
постом и молитвами,и многим терпением,и жив показал еси многая чудеса,
и по преставлении своем источаеши различныя исцеления с верою
приходящим к честному гробу твоему,Арсение отче наш,
моли Христа Бога спастися душам нашим.
417. 6 сентября.Празднование в честь явления Пресвятой Богородицы
(03.09.2003 11:58)
В преславнем явлении Твоем,Дево Богородице,припаде к стопам Твоим
преподобный авва Сергий и мольбу о святей обители изрядно сотвори,
да Твоим Матерним ко Христу предстательством усердно присно
ходатайствуеши о всех под священный покров Твой прибегающих,
просящи нам оставление грехов и велия милости.
Величаем Тя,Пресвятая Дево,Богоизбранная Отроковице,
и чтим явление Твое,имже точиши обетование
покрывати присно место сие.