Прпп. Евфимия (до 1465 г.) и Харитона (1509 г.) Сянжемских

1.

309. 24 апреля.Прпп.Евфимия(до 1465г.)и Харитона(1509г.)Сянжемских (10.04.2003 14:46)
Пустынное и безмолвное житие ваше постнически препроводивше,Христов бо крест на рамо вземше
и Того стопами усердно последовавше,на невидимаго врага мужески ополчистеся,и того козни
сокрушисте,молитвою и слезами,чистотою Богови приближившеся,преподобнии отцы наши
Евфимие и Харитоне.Яко солнце осияваете светозарными лучами чудес ваших,всех нас спасите
с верою призывающих вас и творящих честную вашу память,и,яко имущии дерзновение ко Спасу,
мир мирови испросите и спастися душам нашим.
308. 24 апреля.Прпп.Иакова Железноборовского(1442г.)и Иакова Брылеевского
сподвижника его (10.04.2003 14:32)
Небеснаго желая,земная возненавидел еси и,взем крест свой,последовал еси Христу
и от Него прием дарования чудес,исцеляти недужныя;но,яко имея дерзновение ко Святей
Троице,испроси православным христианом здравие и спасение,на враги же победу и не забуди,
посещая чад своих,припадающих к цельбоносному гробу твоему,Иакове,преподобне отче наш.
253. 24 апреля.Свт.Варсонофия,еп.Тверского(1576г.) (10.04.2003 14:53)
Возвестителю пути спасительнаго,истинный хранителю апостольских преданий,столпе
непоколебимый,благочестия учителю и Православия наставниче,святителю Варсонофие,
Владыку всех моли мир вселенней даровати и душам нашим велию милость.
646. 30 апреля. Антипасха (18.04.2006 14:38)
Спасти хотяй всяческая,с нами неложно обещался еси быти,Христе,до скончания века сего.
Сему Божественному Твоему гласу внемлюще,утверждение же надежды имуще,
радуемся Воскресению Твоему,поюще Тебе яко Богу:Слава Тебе,Боже наш!
267. 4 мая./Антипасха/.Воспоминание уверения апостола Фомы (29.04.2003 12:04)
Запечатану гробу,Живот от гроба возсиял еси,Христе Боже,и,дверем заключенным,учеником
предстал еси,всех Воскресение,дух правый теми обновляя нам по велицей Твоей милости.
Любопытною десницею жизнеподательная Твоя ребра Фома испыта,Христе Боже:
созаключенным бо дверем яко вшел еси,с прочими апостолы вопияше Тебе:Господь еси и Бог мой.
Величаем Тя,Живодавче Христе,нас ради во ад сшедшаго и с Собою вся воскресившаго.
541. 18 апреля. Антипасха (12.04.2004 12:19)
Величаем Тя,Живодавче Христе,нас ради во ад сшедшаго и с Собою вся воскресившаго.
Похвали,Иерусалиме,Господа,хвали Бога твоего,Сионе.
Хвалите Господа,яко Благ,псалом,Богови нашему да усладится хваление.
= Воспоминание уверения апостола Фомы:
Ученик Христов быв,Божественнаго собора апостольскаго сопричастник,неверствием бо Христово
Воскресение известив и Того пречистую страсть осязанием уверив,Фомо всехвальне,
и ныне нам проси мира и велия милости.