Песнопения православного церковного года

1.

Четверг, 19.05.2022
Мой сайт
Главная | Регистрация | Вход
Меню сайта
Главная страница
Информация о сайте
Гостевая книга
Обратная связь
Каталог сайтов
Каталог файлов
Статистика
Онлайн всего: 1
Гостей: 1
Пользователей: 0
Форма входа
Приветствую Вас Гость
Главная » Гостевая книга
[ Добавить запись ]
Показано 166-180 из 785 сообщений
Страницы: « 1 2 ... 10 11 12 13 14 ... 52 53 »
620. 7 апреля. Благовещение Пресвятой Богородицы
Друзья сайта
Создать сайт
Официальный блог
Сообщество uCoz
FAQ по системе
Инструкции для uCoz
Все проекты компании
Слава Отцу и Сыну и Святому Духу:
Да веселятся небеса и радуется земля: ибо Отцу Соприсущный,
Собезначальный и Сопрестольный,щедроство прием
и человеколюбную милость,Себе постави во истощание,
благоволением и советом Отчим,и во утробу вселися Девичу
предочищенную Духом. О чудесе! Бог в человецех,невместивый
в ложеснах,безлетный в лето: и еже преславнее,яко и зачатие
безсеменно,и истощание несказанно,и таинство елико.
Бог бо истощавается и воплощается,и зиждется,Ангелу к Чистей
зачатие глаголавшу: радуйся,обрадованная,Господь с Тобою,
имеяй велию милость.
И ныне и присно,и во веки веков,аминь:
Благовествует Гавриил Благодатней днесь:
радуйся,Неневестная Мати,и неискусобрачная,
не удивляйся странному моему зраку,ни ужасайся,
Архангел бо есмь. Змий прельстил Еву иногда; ныне же
благовествую Тебе радость,и пребудеши нетленна,
и родиши Господа,Пречистая.
0
(10.02.2005 14:14)
Ветхий деньми,Иже закон древле в Синаи дав Моисею,
днесь Младенец видится,и по закону,яко закона Творец,
закон исполняя,во храм приносится,и старцу дается.
Прием же Сего Симеон Праведный,и обещаний сбытие видев
совершаемое,радостно вопияше: видеша очи мои,еже от века
таинство сокровенное,напоследок дний сих явльшееся,
свет разоряя неверных языков омрачение,и славу дая
новоизбранну Израилю. Темже отпусти раба Твоего
от соуз сея плоти,к нестареемому и чудному нескончаемому животу,подая мирови велию милость.
Слава Отцу и Сыну и Святому Духу:
Испытайте Писания,якоже рече во Евангелиих Христос Бог наш:
в них бо обретаем Того раждаема,и пеленами повиваема,
и млеком питаема,обрезание приемлюща,и Симеоном носима,
не мнением,ни привидением,но истиною мирови явльшася.
К Немуже возопиим: Превечный Боже,слава Тебе!
И ныне и присно,и во веки веков,аминь:
Ветхий деньми младенствовав плотию,Материю Девою
в церковь приносится,Своего закона исполняя обещание,
Егоже Симеон приим глаголаше: ныне отпущаеши с миром
по глаголу Твоему,раба Твоего,видевша бо очи мои
спасение Твое,Святый.
Украси твой чертог,Сионе,и подыми Царя Христа;
целуй Марию Небесную Дверь,Та бо престол Херувимский
явися; Та носит Царя Славы. Облак света есть Дева,
носящи на руках Сына прежде денницы: Егоже приим
Симеон на руки своя,проповеда людем,Владыку сего
быти живота и смерти,и Спаса миру.
Ныне отпущаеши раба Твоего,Владыко,
по глаголу Твоему с миром.
Возсиявшаго прежде всех век от Отца,напоследок же
от ложесн Девических,носящи в церковь неискусобрачная Мати,
в Синайстей горе законоположившаго,повелению законному
повинующася,принесе святителю старцу и праведнику,
Христа Господа видети обещанна,Егоже прием Симеон
на руки своя,возрадовася вопия: Бог есть Сей,
Отцу Соприсущный,и Избавитель душ наших.
Слава Отцу и Сыну и Святому Духу,
и ныне и присно,и во веки веков. Аминь.
618.
0
(10.02.2005 14:12)
Благословен Бог
617. 19 января. Богоявление Господа Бога и Спаса нашего Иисуса Хр
(13.01.2005 11:48)
0
Глас Господень на водах вопиет,глаголя:
приидите,приимите вси Духа премудрости,
Духа разума,Духа страха Божия,
явльшагося Христа.
Днесь вод освящается естество,и разделяется Иордан,
и своих вод возвращает струи,Владыку зря крещаема.
Яко человек на реку пришел еси,Христе Царю,
и рабское крещение прияти тщишися,Блаже,
от Предтечеву руку,грех ради наших,Человеколюбче.
Слава Отцу и Сыну и Святому Духу,
и ныне и присно,и во веки веков,аминь.
Ко гласу вопиющаго в пустыни,уготовайте путь Господень,
пришел еси,Господи,зрак рабий приим,крещения прося,
не ведый греха; видеша Тя воды и убояшася.
Трепетен бысть Предтеча,и возопи глаголя:
како просветит светильник света?
како руку положит раб на Владыку?
Освяти мене и воды,Спасе,вземляй мира грех.
Одеваяйся светом яко ризою,нас ради по нам быти
сподобился есть,во струи одевается днесь Иорданския:
не Сам сих ко очищению требуя,но нам Собою устрояяй
порождение. О чудесе! Без огня изваряет,и назидает
без сокрушения,и спасает в Него просвещаемыя,
Христос Бог и Спас душ наших.
Слава Отцу и Сыну и Святому Духу:
Господи,исполнити хотя,яже уставил еси от века,
от всея твари служители тайны Твоея приял еси:
от ангел Гавриила,от человека Деву,от небес звезду,
и от вод Иордан,в немже беззаконие мирское потребил еси,
Спасе наш,слава Тебе.
И ныне и присно,и во веки веков,аминь:
Днесь тварь просвещается,днесь всяческая веселятся,
небесная вкупе и земная,ангели и человецы смешаются:
идеже бо Царево пришествие,и чин приходит.
Тецем убо на Иордан,и видим вси Иоанна,
како крещает верх нерукотворенный и безгрешный.
Темже апостольский глас припевающе,согласно возопиим:
явися благодать Божия,спасительная всем человеком,
озаряющи и подающи верным велию милость.
616. 15 января. Преподобного Серафима Саровского
0
(11.01.2005 12:16)
Киими похвальными венцы венчаим подвижника великаго,
преподобнаго Серафима? Той бо яко наставник добрый
в твердости веры и добродетели явися,богодухновенными учении
и равноангельным житием приходящия к нему научая.
Темже вопием ему: молися,преподобне,Христу Богу
православную веру утвердити и душам нашим спастися.
Слава Отцу и Сыну и Святому Духу:
Радуйся днесь вся Российская земле,и святая обитель
Саровская веселися. Верных же множества,стекшеся днесь,
прославим преподобнаго отца,пастыря и учителя,богомудраго
наставника заблуждшим,скораго всех болящих целителя,
Российския земли великое украшение,егоже похваляюще
сице рцем: преподобне Серафиме,спаси нас молитвами твоими.
И ныне и присно,и во веки веков,аминь:
Храм и дверь еси,палата и престол Царев,Дева всечестная,
Еюже Избавитель мой Христос Господь во тьме спящим явися,
Солнце сый правды,просветити хотя,яже созда по образу Своему
рукою Своею. Темже,Всепетая,яко матерне дерзновение
к Нему стяжавшая,непрестанно моли спастися душам нашим.
615. 14 января. Обрезание Господа нашего Иисуса Христа и память с
(03.01.2005 15:58)
0
Христа вселив в душу твою,чистым твоим житием,
источника жизни,священноявленне Василие,реки источил еси
учений благочестивых вселенней: от нихже напаяеми вернии
церковнии людие,плоды устен исповедающих,благодать приносят,
прославльшему память твою во век века.
Слава Отцу и Сыну и Святому Духу:
Излияся благодать во устнах твоих,преподобне отче,
и был еси пастырь Христовы Церкве,уча словесныя овцы
веровати в Троицу Единосущную,во едином Божестве.
И ныне и присно,и во веки веков,аминь:
Сходяй Спас к роду человеческому,прият пеленами повитие,
не возгнушася плотскаго обрезания,осмодневен по Матери,
Безначальный по Отцу. Тому вернии возопиим:
Ты еси Бог наш,помилуй нас.
О божественная и священная Христовы Церкве пчело,
Василие всеблаженне! Ты бо божественнаго желания жалом
себе вооружив,богомерзких ересей хулы уязвил еси,
и душам верных благочестия сладость сокровиществовал еси:
и ныне Божественнаго рая нетленныя проходя пажити,
поминай и нас,предстоя Троице Единосущней.
Слава Отцу и Сыну и Святому Духу:
Благодать чудес с небесе прием,и лесть идольскую обличив
ученьми,святителей еси слава и утверждение,всеблаженне Василие,
и всех преподобных учения образ. Дерзновение имея к Богу,
Того моли спастися душам нашим.
И ныне и присно,и во веки веков,аминь:
Не устыдеся Всеблагий Бог плотским обрезанием обрезатися,
но даде Самого Себе образ и начертание всем ко спасению:
ибо закона Творец законная исполняет,и пророков проречения
яже о Нем. Иже вся содержай горстию,и пеленами повивыйся,
Господи,слава Тебе.
614. 7 января. Рождество Христово
0
(22.12.2004 12:38)
Слава Отцу и Сыну и Святому Духу:
Веселися,Иерусалиме,торжествуйте,вси любящие Сиона:
днесь временный разрешися соуз осуждения Адамова,
рай нам отверзеся,змий упразднися: юже бо прельсти первее,
ныне узре Содетелеву бывшу Матерь. О,глубина богатства,
и премудрости,и разума Божия! Яже исходатаивши смерть
всей плоти,греховный сосуд,спасения начало бысть миру всему,
Богородицы ради. Младенец бо раждается из Нея Всесовершенный
Бог,и рождеством девство печатствует: пленицы греховныя
разрешаяй пеленами,и младенства ради,Евины врачует
яже в печалех болезни.
Да ликовствует убо вся тварь,и да играет:
обновити бо ю прииде Христос,и спасти души наша.
И ныне и присно,и во веки веков,аминь:
В вертеп вселился еси,Христе Боже,ясли Тя восприяше,
пастырие же и волсви поклонишася. Тогда убо пророческая
исполнися проповедь,и ангельския силы дивляхуся вопиюще
и глаголюще: слава схождению Твоему,едине Человеколюбче.
Рождество Твое,Христе Боже,возсия мирови свет разума:
в нем бо звездам служащии,звездою учахуся Тебе кланятися
Солнцу Правды,и Тебе ведети с высоты востока:
Господи,слава Тебе.
Величаем Тя,Живодавче Христе,нас ради ныне плотию
рождшагося от Безневестныя и Пречистыя Девы Марии.
Воскликните Господеви вся земля,пойте же имени Его.
Дадите славу хвале Его. Поведите вся чудеса Его.
Да возвеселятся небеса и возрадуется земля.
Избавление посла людем Своим.
Кто Бог велий,яко Бог наш?
Ты еси Бог,творяй чудеса.
Благословен Господь во век,буди,буди.
Слава Отцу и Сыну и Святому Духу:
Всяческая днесь радости исполняются,
Христос родися от Девы.
И ныне и присно,и во веки веков,аминь:
Всяческая днесь радости исполняются,
Христос родися в Вифлееме.
Слава в вышних Богу,и на земли мир!
Днесь восприемлет Вифлеем Седящаго присно со Отцем,
днесь ангели Младенца рожденнаго боголепно славословят:
слава в вышних Богу,и на земли мир,в человецех благоволение.
Христос раждается,славите. Христос с небес,срящите.
Христос на земли,возноситеся. Пойте Господеви вся земля,
и веселием воспойте,людие,яко прославися.
Спасе люди чудодействуяй Владыка,мокрую моря волну
оземленив древле: волею же рождься от Девы,
стезю проходну небесе полагает нам,
Егоже по существу,равна же Отцу
и человеком славим.
Прежде век от Отца рожденному нетленно Сыну,
и в последняя от Девы воплощенному безсеменно,
Христу Богу возопиим: вознесый рог наш,свят еси,Господи.
Призри на пения рабов,Благодетелю,врага смиряя
вознесенную гордыню: носяй же,Всевидче,греха превыше
непоколеблемо: утвержденныя,Блаже,певцы основанием веры.
Жезл из корене Иессеова,и цвет от него,Христе,
от Девы прозябл еси,из горы хвальной приосененныя чаши,
пришел еси воплощься от неискусомужныя невещественный и Боже,
слава силе Твоей,Господи.
Рода человеча обновление,древле поя пророк Аввакум
предвозвещает,видети неизреченно сподобився образ:
младый Младенец бо из горы Девы изыде,
людей во обновление Слово.
Бог сый мира,Отец щедрот,великаго совета Твоего Ангела,
мир подавающа послал еси нам: тем богоразумия к свету
наставльшеся,от нощи утренююще,славословим Тя,Человеколюбче.
Из нощи дел омраченныя прелести,очищение нам,Христе,
бодренно ныне совершающим песнь яко Благодетелю,прииди,
подаваяй удобну стезю,по нейже востекающе,обрящем славу.
Из утробы Иону младенца изблева морский зверь,
якова прият: в Деву же всельшееся Слово,и плоть приемшее,
пройде сохраньшее нетленну. Егоже бо не пострада истления,
Рождшую сохрани неврежденну.
Обитая Иона в преисподних морских,
приити моляшеся и бурю утолити:
унзен же аз мучащаго стрелою,
Христу воспеваю,зол губителю,
скоро приити Тебе к моей лености.
613. 19 декабря. Святителя Николая Чудотворца
0
(06.12.2004 13:17)
Слава Отцу и Сыну и Святому Духу:
Святителей удобрение,и отцев славу,источника чудес
и верных заступника великаго,сошедшеся,о празднолюбцы,
песненными похвалами воспоим,глаголюще: радуйся,
миряном хранителю,и первоседателю честный,и столпе
неподвижимый,радуйся,светильниче всесветлый,иже мирския концы
просвещая чудесы. Радуйся,скорбящих божественная радосте,
и обидимых теплый предстателю. И ныне,всеблаженный Николае,
не престай моляся Христу Богу,о верою и любовию чтущих
приснорадостную и всепразднственную память твою.
И ныне и присно,и во веки веков,аминь:
Вертепе благоукрасися,Агница бо грядет чревоносящи Христа:
ясли же подымите Словом разрешившаго от безсловеснаго деяния
нас земнородных. Пастырие,свиряюще свидетельствуйте
чудеси страшному: и волсви от Персиды,злато и ливан
и смирну Царю принесите,яко явися Господь из Девы Матере.
Емуже и приникши рабски Мати поклонися,и привещаше
к держимому на объятиях Ея: како всеялся еси Мне,
или како прозябл еси во Мне,Избавителю Мой и Боже?
Правило веры и образ кротости,яви тя стаду твоему
Христос Бог,Святителю Николае: в Мирех убо благоухающу ти,
всюду сияют светло Божественная твоя исправления,
сирых и вдовиц предстателю.
Темже молися непрестанно спасти души наша.
612. 4 декабря. Введение во храм Пресвятой Богородицы
0
(25.11.2004 12:27)
Да радуется днесь небо свыше,и облацы веселие да кропят
о зело преславных величиих Бога нашего: се бо дверь
на востоки зрящая,рождшися от неплодове
безплодныя по обетованию,и Богу освящена бывши в жилище,
днесь в храм яко непорочное приношение приводится:
да радуется Давид,бряцая в гусли,приведутся,рече,
Царю девы в след Ея,ближняя Ея приведутся
внутрь скиния Божия,внутрь очистилища его,
воспитатися в жилище,прежде век от Отца
нетленно Рождшагося,во спасение душ наших.
Слава Отцу и Сыну и Святому Духу,
и ныне и присно,и во веки веков,аминь.
Возсия день радостен,и праздник всечестен:
днесь бо яже прежде рождества,и по рождестве Дева пребывши,
в храм Господень приводится,и радуется Захария старец,
родитель Предтечев,и вопиет весело: приближися Предстательница
скорбящих в храм святый,яко свята,освятися во обителище Всецаря.
Да веселится Иоаким праотец,и Анна да радуется,
яко принесоша Богу,яко трилетствующую юницу,
Непорочную Владычицу. Матери срадуйтеся,
девы взыграйте,и неплоды сликовствуйте,
яко отверзе нам Небесное Царство
пронареченная Всецарица:
радуйтеся,людие,и веселитеся!
Радуется небо и земля,небо умное грядущее зряще,
в Божественный дом воспитатися честно,Деву едину
и Непорочную,к Нейже дивяся Захария вопияше:
Двере Господня,храма отверзаю Тебе двери,
радующися в нем ликовствуй. Познах бо и веровах,
яко уже избавление приидет проявленно Израилево,
и родится из Тебе Бог Слово,даруяй мирови велию милость.
Анна Божественная благодать яве от благодати данную
Чистую Приснодеву приводит с веселием в храм Божий,
призвавши ити пред Нею отроковицам свещи носящим,
и глаголющи: пойди,чадо,давшему Тя буди возложение
и благовонный фимиам. Вниди в невходимыя,и увеждь тайны,
и уготовися быти Иисусово вместилище,веселое и красное,
подающаго миру велию милость.
611. 21 ноября. Собор святого Архистратига Михаила
0
(17.11.2004 11:50)
Слава Отцу и Сыну и Святому Духу:
Срадуйтеся нам вся ангельская чиноначалия,
первостоятель бо ваш и наш предстатель,великий Архистратиг,
в днешний день,в честнем его храме,преславно являяся освящает.
Темже по долгу воспевающе,тому возопиим:
покрый нас кровом крил твоих,величайший Михаиле Архангеле.
И ныне и присно,и во веки веков,аминь:
Срадуйтеся нам вся девственных ликостояния,
Предстательница бо наша,и Ходатаица,и Покров,
и великое прибежище,в днешний день,в честнем Ея
и Божественнем храме,скорбящия утешает.
Темже по долгу воспевающе Сию,возопиим:
покрый ны Божественным предстательством Твоим,
Пречистая Богородице Владычице.
Умных сил архистратизи,предстояще непрестанно Владычню
престолу,молитеся ко Господу,мир миру даровати
и душам нашим велию милость.
610.
0
(17.11.2004 11:37)
Из одного террариума и Slon и Ivan. Им бы и подружиться:
609. 4 ноября. Явление Казанской иконы Пресвятой Богородицы
(31.10.2004 17:39)
0
Паче скинии Моисеевы,по образу небесному сотворенныя,
всю Тя Бог освяти,Богородице,Духом Святым;
весь вселився в Тя,всего человека оживи.
Тем и Твоя икона,паче Аароня кивота,наполнися
благодати Божия,и источает освящение душам и телесем.
Ейже любезно покланяющеся,просим от Тебе великия милости,
да спасеши души наша,Благословенная Помощнице.
Яко воистинну древняго кивота пречестнее,
егда Давид собрав чины ликовствоваше,ныне Твоя,
Богородице,икона: ейже предстоят архиереев собори,
и с чинми ангел,царие же и князи,и все христоименитых
людей множество,достойно блажат Тя,Матерь Божию,
и прославляют раболепно,и чествуют и покланяются,
и молятся Тебе по Бозе: да мир умириши в православии
и спасеши от всех зол Твоя рабы,Едина Благословенная.
Слава Отцу и Сыну и Святому Духу,
и ныне и присно,и во веки веков,аминь.
Тебе вси роди человечестии хвальныя дары приносят,Владычице,
и молятся яко Царице и Матери Божии: пророцы Тя
премудро проповедаша,левити благословиша,апостоли
и мученицы исповедаша,царие и князи покланяются,
архиерее проповедуют,монаси и простии благоговеют,
богатии и убозии,сироты и вдовы,и всяк возраст,
и всяко преспеяние,старческое и младенческое,
под кров Твой державный с верою прибегаем:
покрый и соблюди,Госпоже,молитвами Твоими,
и спаси от бед души наша.
608. 18 октября. Святителей Московских: Петра,Алексия,Ионы,Филипп
(13.10.2004 15:23)
0
Приидите,верных собори,псаломски восплещем руками,
печальным утешителей,о грешных ко Господу молитвенники,
иже вси везде теплых предстателей воспевающе,
святителей Петра,и Алексия,и Иону,и Филиппа,и Ермогена,
похвалу земли Российстей,и всего священства украшение,
реки милости воистинну Божественнаго Христова смирения
ревнителей,подающаго миру велию милость.
607. 14 октября. Покров Пресвятой Богородицы
0
(05.10.2004 12:52)
О чудное украшение всем верным еси,
пророческое истинное сбытие,апостолом слава
и мучеником удобрение: девству похвала и всему миру
предивный покров. Покрый,Владычице,омофором милости Твоея
вся люди вопиющия: Обрадованная радуйся,с Тобою Господь,
подаяй миру Тобою велию милость.
Освящается небо и земля,Церковь же светится,
и людие вси веселятся: се бо Мати Божия со ангельскими
воинствы,со Предтечею и Богословом,с пророки же и апостолы,
невидимо вшедши,за христианы молится Христу,
помиловати град и люди,славящия тоя покрова праздник.
606. 9 октября. Апостола и евангелиста Иоанна Богослова
Найти
0
(09.03.2005 12:16)
В шестый месяц Архистратиг послан бысть к Тебе Деве и чистей,
возвестити Тебе слово спасения,вкупе же и звати Тебе:
радуйся,обрадованная,Господь с Тобою.
Родиши Сына превечнаго из Отца,и спасет люди Своя от грех их.
619. 15 февраля. Сретение Господне
Поиск
0
(05.10.2004 12:25)
Слава Отцу и Сыну и Святому Духу:
Возлег на перси учителя Христа,на вечери Господни,
возлюбленне учениче,оттуду познал еси неизреченная,
и небесным всем возгремел еси глас: в начале бе Слово,
и Слово бе к Богу,и Бог бе Слово,Свет истинный,
просвещаяй всякаго человека в мир грядущаго,
Христос Бог и Спас душ наших.
И ныне и присно,и во веки веков,аминь:
Со Отцем и Духом славословимый Сын,
в вышних от херувимов,первозданнаго наздати хотяй,
всего себе Самаго истощи неизреченно во утробе Твоей,
Богородице Всепетая. И из Тебе воссияв,просвети весь мир
Божеством,избавляя идолонеистовства,и в Себе обожив,
на небеса возведе человечество,Христос Бог и Спас душ наших.
1-15 16-30 ... 136-150 151-165 166-180 181-195 196-210 ... 766-780 781-785
Имя *:
Email *:
WWW:
Все смайлы
Код *:
Добавить комментарий
Copyright MyCorp © 2022
Бесплатный хостинг uCoz