Православный календарь - 25 июля

1.

354. 25 июля.Преподобного Михаила Малеина(962г.)
(23.07.2003 11:30)
Плотскую тяготу утончил еси делы,душевную же быстрость вперил еси
просвещением,Михаиле,и явился еси Троице жилище,Юже зря,
блаженне,ясно,моли непрестанно о всех нас.
353. 25 июля.Мучеников Прокла и Илария(IIв.) (23.07.2003 11:26)
Яко денница звезда,возсия мучеников Прокла и Илария честное страдание,
предозаряющи нас чудес светлостьми.Темже празднуем память вашу:
Христа Бога молите,да спасет души наша.
705. 25 июля. Иконы Божией Матери"Троеручица"(VIII)
(21.07.2006 11:41)
Просвети душу мою,ум и сердце,Премилостивая Мати Божия,и даждь ми дар
воспети Тя,крепкую Предстательницу,благих Ходатаицу и в печалех
сладкое утешение.
Пресвятая Богородице,спаси нас.
118. 11 июля.Празднование в честь иконы Божией Матери ТРОЕРУЧИЦА
(08.07.2002 12:54)
Разум человеческий не может постигнуть силу исцелений благодатных,
иконою Твоею,о Богомати,чудесно являемых,не может изъяснити и чудо
велие,како отсеченная десница преподобнаго во едину нощь цела и здрава
обретается,на нейже токмо червленый знак бывшия язвы оставлен бысть
Врачебницею Благою,слышащею от нас сия похвалы:
Радуйся,скоро являющаяся утешительнице скорбящих душ.
Радуйся,радостотворная посетительнице болезнующих сердец.
Радуйся,безнадежных страдальцев надеждою исцеления ободряющая.
Радуйся,врачами оставленных болезнующих на свои руце приемлющщая.
Радуйся,усеченную десницу Божия избранника
целу и здраву вышеестественно соделавшая.
Радуйся,яко ничтоже невозможно Тебе,Милосердая Предстательнице,
нам всегда заступление показующая.
Радуйся,Помощнице наша,Троеручною иконою Твоею нам помогающая.
378. 28 июля.Блгв.кн.Владимира и кн.Агриппины,Ржевских(XVIв.)
(25.07.2003 15:45)
Яко благочестиваго корене пречестная отрасль был еси,добре во благочестии пожив,
блаженне Владимире,тако и с супружницею твоею,прехвальною Агриппиною,
в миру Богу угодивше,и преподобных житию сподобистеся.С нимиже молитеся
Господеви сохранити без вреда отечество ваше,да вас непрестанно почитаем.
377. 25 июля.Икон Божией Матери,именуемых ТРОЕРУЧИЦА(VIIIв.)
и САМОНАПИСАВШАЯСЯ (23.07.2003 11:55)
Чудотворней Твоей иконе,Богородице Дево,всеблагоговейно покланяемся
и лобызаем ю,подаеши бо тою исцеления,здравие же и крепость душам
и телесем воистинну.Темже любовию Тебе взываем:слава промышлению
Твоему о нас,Чистая,слава милосердию Твоему к верным, слава Тебе,
самоизобразившейся,Всеблагая Владычице!
376. 25 июля.Феодору варягу и сыну его Иоанну,в Киеве(983г.)
(23.07.2003 11:48)
Страстотерпцы Господни,Феодоре со Иоанном отроком,славнии! Блаженна земля
Русская,напившаяся кровьми вашими,и радуется отечество наше,в немже вы первии,
идолы посрамивше,Христа со дерзновением исповедасте и за Него пострадасте.
Того,яко Блага,молите,до скончания века в стране нашей Церковь Православную
непоколебиму утвердити и всех русских людей во истинней вере и благочестии сохранити.
87. 25 июля.Иконы Божией Матери "Троеручица" (23.07.2002 13:01)
Днесь светло красуется царствующий град Москва,имеющи в себе,о Всемилостивейшая,
всея твари Честнейшая,Заступнице наша Дево Богородице,честный образ Твой,имже
подсолнечныя концы земли удивляеши и мир мирови даруеши,во образ бо Святыя Троицы
являеши трие руце:двема убо Сына Своего,Христа Бога нашего,носиши,третиею от напастей
и бед верно к Тебе прибегающих избавляеши,и от потопления изымаеши,и всем полезная
даруеши,и преподобному Михаилу Малеонскую гору показа,и всех всегда милуеши,честною
ризою Своею покрываеши жительство сие и вся грады и страны наша,да зовем Ти:
радуйся,Обрадованная.
127. 25 июля - иконы Божией Матери САМОНАПИСАВШАЯСЯ (23.07.2002 13:13)
Чудотворней Твоей иконе,Богородице Дево,всеблагоговейно покланяемся и лобызаем ю,
подаеши бо тою исцеления,здравие же и крепость душам и телесем воистинну.
Темже любовию Тебе взываем: слава промышлению Твоему о нас,Чистая,
слава милосердию Твоему к верным,слава Тебе,самоизобразившейся,
Всеблагая Владычице.