400. 8 сентября. Мучеников Адриана и Наталии. Псалмы

1.

400. 8 сентября.Мучеников Адриана и Наталии(305-311г.г.)
(04.09.2003 12:03)
0
Мученик возсия Божественная память
и земныя озари вся концы светло,
с веселием зовущих:
Ты еси мучеников,Христе,радование.
Богатство неиздивущее вменил еси веру спасенную,треблаженне,
оставль отеческое нечестие и Владыки стопами шествуя,
Божественными даровании обогатился еси,Адриане славне;
Христа Бога моли спастися душам нашим.
732. 8 сент. Мучеников Адриана и Наталии(305-311)
(04.09.2006 15:37)
0
Роса глагол твоих честных исцеление болезней
воистинну твоему супружнику бысть вкусившу
лучших любовь,Богомудрая Наталие,
мучеников сожительнице.
Посрамив безбожных суетства и возжелав Христову красоту,
столп благочестия верным был еси,мучениче,
страстотерпче Адриане всеблаженне.
Святии мученицы Адриане и Наталие,молите Бога о нас.
731. 8 сент. Псково-Печерской иконы Божией Матери,именуемой"Умиление
0
Избранней Заступнице рода христианского,
покрывающей и спасающей люди правоверныя,
иноком благоскорбящим Подательнице вечнаго радования,
благодарственная от души восклицаем пения. Ты же,
яко нарекшияся Умиление,призри на ны милостивно
и умиление нам даруй,да со дерзновением
воспеваем Ти радостно: Радуйся,Всеблагая Владычице,
умиление и спасение наше.
421. 8 сентября.Мученика Адриана(320г.)
0
(04.09.2003 12:08)
Мученик Твой,Господи,Адриане,
во страдании своем венец прият нетленный
от Тебе,Бога нашего: имеяй бо крепость Твою,
мучителей низложи,сокруши и демонов немощные дерзости.
Того молитвами спаси души наша.
(04.09.2006 15:30)