410. 31 окт. Апостола и евангелиста Луки

1.

410. 31 окт.Апостола и евангелиста Луки(1в.) (27.10.2003 12:06)
Истиннаго благочестия проповедника и таин неизреченных ритора,
звезду церковную,Луку Божественнаго восхвалим: Слово бо его избра,
с Павлом мудрым,языков учителя,Един ведый сердечная.
760. 31 окт. Апостола и евангелиста Луки(1в.) (27.10.2006 18:26)
Всемудрый ловче,святый угодниче,делателю Спасов и проповедниче
Того Страстей,иже тварь верою претекий и от прелести языки собрав,
и Богу привед,яко воню добру,на Небеса постигл еси.
Истиннаго благочестия проповедника и таин неизреченных ритора,
звезду церковную,Луку божественнаго восхвалим: Слово бо его избра,
с Павлом мудрым языков учителя,Един ведый сердечная.
Величаем тя,апостоле Христов и евангелисте Луко,и чтим болезни
и труды твоя,имиже трудился еси во благовестии Христове.
179. 31 октября.Преподобного Иосифа Волоцкого (31.10.2002 13:27)
Яко постников удобрение и отцев красоту,милости подателя,рассуждения
светильника,вси вернии,сошедшеся,восхвалим кротости учителя
и ересей посрамителя,премудраго Иосифа,Российскую звезду,
молящася Господу помиловатися душам нашим.
470. 31 окт.Прп.Иосифа,игумена Волоцкого,чудотворца(1515г.) (27.10.2003 12:11)
Жития треволнения,и мятеж мирский,и страстная взыграния в ничтоже вменив,
пустынный гражданин показался еси,многих быв наставник,Иосифе преподобне:
монахов собратель и молебник верен,чистоты рачитель,моли Христа Бога
спастися душам нашим.
145. 31 октября.Апостола и евангелиста Луки (31.10.2002 13:19)
Апостольских деяний сказителя и Евангелия Христова светла списателя,
Луку препетаго,славна суща Христове Церкви,песньми священными
святаго апостола похвалим,яко врача суща,человеческия немощи,
естества недуги и язи душ исцеляюща и молящася непрестанно за души наша.