173. 6 ноября. Иконы Божией Матери. Псалмы

1.

173. 6 ноября.Иконы Божией Матери ВСЕХ СКОРБЯЩИХ РАДОСТЬ (05.11.2002 13:45)
Всех скорбящих Радосте,и обидимых Заступнице,и алчущих Питательнице,странных Утешение,
обуреваемых Пристанище,больных посещение,немощных покров и заступнице,Жезл старости,
Мати Бога Вышняго Ты еси,Пречистая: потщися,молимся,спастися рабом Твоим.
499. 6 ноября.Иконы Божией Матери ВСЕХ СКОРБЯЩИХ РАДОСТЬ(1688г.) (03.11.2003 13:04)
Радуйся,Марие,великое всея твари чудо;Радуйся Дщи убо Давидова,Господня же Мати;
радуйся,пение Гавриилово; радуйся прибежище и утверждение,
и помощь всем,Пресвятая,сущим на земли грешником.
814. 6 ноября. Иконы Божией Матери"Всех скорбящих Радость"(1688) (31.10.2006 16:29)
Радуйся,Благодати Источниче;радуйся,Лествице и Дверь Небесная;
радуйся,Свещниче,и Стамно златая;и Горо несекомая,яко Жизнодавца Христа мирови рождшая.
Пресвятая Богородице,спаси нас.
Всея моея жизни Предстательнице,от бед многих избави мя,да благодарственный
глас воспеваю Ти,Богоневесто Пречистая,и будущия мя исхити муки.
Пресвятая Богородице,спаси нас.
Яже всем удобь послушная в скорби и в печали помогающая,Богородице Благая,
благодать подаждь пети,Тя дерзающим,Владычице,скорбящих Радосте.
Слава Отцу и Сыну и Святому Духу,и ныне и присно,и во веки веков,аминь.
452. 6 ноября.Мч.Арефы и с ним 4299 мучеников(523г.) (04.11.2003 17:02)
Мужествовавше во Христе противу безбожнаго царя,мученицы святии,
и того неверие иудейское во Христа обличивше,прияша мук томление и главам усечение;
тем восхвалиша тя Ангели,и верных роди тя прославляют,Арефо,и пострадавших с тобою,
яко молящихся присно о душах наших.
Болезньми святых,имиже о Тебе пострадаша,умолен буди,Господи,
и вся наша болезни исцели,Человеколюбче,молимся.
Веселия ходатай нам наста,светоносный днесь страстотерпец праздник,
егоже совершающе славим в вышних сущаго Господа.
148. 6 ноября.Иконы Божией Матери ВСЕХ СКОРБЯЩИХ РАДОСТЬ (05.11.2002 15:47)
Благодати залог восхотевши дати роду нашему,цельбоносную икону Твою явила еси нам,Богомати,
от неяже токи чудес с верою приходящим источаются,недузи врачуются и скорби утоляются.
Сего ради радостно вопием о Тебе Богу: Слава Тебе,Боже наш!