819. 11 ноября. Преподобномученицы Анастасии Римляныни (249-251). Псалмы

1.

819. 11 ноября. Преподобномученицы Анастасии Римляныни(249-251) (06.11.2006 17:12)
Храм твой всечестный яко цельбу душевную обретше,вси вернии велегласно вопием ти:
дево мученице,Анастасие великоименитая,Христа Бога моли непрестанно о всех нас.
Девства водами очищена,преподобная,мученичества кровьми,Анастасие,венчавшися,
подаеши сущим в нуждах недугов исцеление и спасение,приступающим от сердца:
крепость бо тебе подает Христос,источаяй благодать приснотекущую.
Величаем тя,страстотерпице святая Анастасие,и чтим святую память твою,
ты бо молиши за нас Христа Бога нашего.
461. 11 ноября.Прмц.Анастасии Римляныни(IIIв.) (10.11.2003 11:45)
Девства водами очищена,преподобная,мученичества кровьми,Анастасие,венчавшися,
подаеши сущим в нуждех недугов исцеление и спасение приступающим от сердца:
крепость бо тебе подает Христос,источаяй благодать приснотекущую.
504. 11 ноября.Прп.Авраамия,затв.Печерского(XII-XIIIв.в.) (10.11.2003 11:58)
Велия веры исправления,в пещернем затворе,яко на воде упокоения,преподобне отче Авраамие,
радовался еси,огнем бо любве Божественным распаляемь,бдением и молитвою безстрастия достигл еси
и явился еси равноангельный на земли,того молитвами,Христе Боже,спаси души наша.
480. 11 ноября.Прп.Аврамия,архим.Ростовского(1073-1077г.г.) (10.11.2003 11:53)
Просветився Божественною благодатию,неверныя люди наставил еси к свету Богоразумия
и по смерти сияя светлостию жития твоего,источаеши исцеления притекающим с верою к тебе,
Аврамие отче наш,Христа Бога моли даровати нам велию милость.
416. 11 ноября.Прп.Аврамия затворника и блж.Марии,племянницы его (10.11.2003 11:49)
Во плоти,яко Ангел,на земли явился еси,и пощением был еси,яко древо насажденное,
водою воздержания добре возрастився,и теченьми твоих слез скверну омыв:
сего ради явился еси приятелище Божественное,Аврамие,Духа.