Введение во храм Пресвятой Владычицы нашей Богородицы

1.

436. 4 дек.Введение во храм Пресвятой Владычицы нашей Богородицы (27.11.2003 12:58)
Ангели,вхождение Пречистыя зряще,удивишася,како Дева вниде во Святая Святых?
Яко одушевленному Божию Кивоту,да никакоже коснется рука скверных,устне же верных Богородице
немолчно,глас Ангела воспевающе,с радостию да вопиют:истинно вышши всех еси,Дево Чистая.
163. Пресвятой Богородице (07.12.2002 12:41)
Твоя песнословцы Богородице,живый и независтный источниче,лик себе совокупльшия
духовно утверди,в честнем вхождении Твоем венцев славы сподоби.
Давид предначиная ликование,играет и ликовствует с нами,и Царицу зовет Тя украшену Пречистая,
предстоящу Всечистая,в храме Царю и Богу. Пресвятая Богородице,спаси нас.
162. 4 декабря.Введение во храм Пресвятой Богородицы (01.12.2002 11:14)
Неисследный Божий совет,еже от Девы воплощения Тебе,Вышняго,пророк Аввакум усмотряя зовяше:
слава силе Твоей,Господи. Дверь непроходную Божий Дом приемля днесь,престати сотвори
всякой службе законной:яко истинно явися,зовый,сущим на земли Истина.
200. (05.12.2002 13:10)
Видевши преславная вся земля,странныя же и дивныя вещи,како Дево от Ангела пищу приемлющи,
образы строения носит. Сказати хотя Господь языком Свое спасение,Неискусобрачную ныне
от человек прият,примирения знамение и обновления. Слыши Отроковице Дево Чистая,да речет убо
Гавриил совет вышняго древний истинный: буди к приятию готова Божию,Тобою бо Невместимый
с человеки поживе. Тем и радуяся вопию:благословите вся дела Господня Господа.
199. 4 декабря.Введение во храм Пресвятой Богородицы (03.12.2002 11:23)
Днесь благоволения Божия преображение и человеков спасение проповедание,
в храме Божии явно Дева является и Христа всем предвозвещает. Тем и мы
велегласно возопиим: Радуйся,смотрения Зиждителева исполнение.
Пречистый храм Спасов,многоценный чертог и Дева,священное сокровище славы Божия,
днесь вводится в дом Господень,благодать совводящи,яже в Дусе Божественном,
Юже воспевают ангели Божии; Сия есть селение небесное.
Величаем Тя,Пресвятая Дево,Богоизбранная Отроковице,
и чтим еже во храм Господень вхождение Твое.
178. 4 декабря.Введение во храм Пресвятой Богородицы (02.12.2002 11:14)
Избранней Предвечным Царем Богоотроковице Марии,ангелов и человеков Царице,
пришедшей иногда в храм Господень во Святая Святых,на обручение девства Своего
Жениху Небесному воспитатеся в Божие Жилище,достойное поклонение усердно
Тебе принесем,Ты же яко многомощная Заступнице наша,от всяких нас бед
и скорбей свободи,да с любовию и умилением Тебе вопием: Радуйся,
Богоизбранная Отроковице,вхождением во храм двери райския нам отверзшая.
834. 4 декабря. Введение во храм Пресвятой Владычицы нашей Богоро (04.12.2006 14:05)
Видяще праведнии родители Твоя,Пресвятая Дево,яко три лета исполнишася от рождества Твоего,
восхотеста совершити делом обетование свое,еже первее словесы изрекоша,да принесут Тя
в дар Богу,сего ради созваша в Назарет вся сродники своя от царскаго и архиерейскаго рода,
и священники многия,пригласиша же и лик чистых дев,да со свещи горящими провождают Тя,
якоже предрече Писание: Приведутся Царю девы в след Ея,искренния Ея приведут Тебе,
приведутся в веселии и радовании,введутся в храм Царев. И тако совокупльшеся вси
и помолившеся о Тебе Богу,воспеша Ему: Слава Тебе,Боже наш.
159. 4 декабря.Введение во храм Пресвятой Богородицы (02.12.2002 11:27)
Всякое естество ангельское удивися о превелицей красоте девства Твоего,всесвятая Дево.
Ты бо со ангелы во святая святых пребывающи,Сама возжелала еси в чистоте ангельской
и неврежденном Своем девстве вечно жити.Сего ради дала еси обет девства и обручила еси Себя
на присное служение Богу в чистоте девичестей,и уневестилася еси Ему,да Духом Святым преуготована
будеши в чистое и нетленное селение Слову Божию,поюще Ему день и ночь: Слава Тебе,Боже наш.
631. 4 декабря. Введение во храм Пресвятой Владычицы нашей Богоро (01.12.2005 12:05)
Невестокраситель днесь явися красный Девы храм и чертог,приемь одушевленный чертог Божий,
Чистую и Непорочную,и светлейшую всея твари. Пресвятая Богородице,спаси нас.
Давид предначиная ликование,играет и ликовствует с нами,и Царицу зовет Тя украшену Пречистая,
предстоящу Всечистая,в храме Царю и Богу. Слава Отцу и Сыну и Святому Духу:
Из неяже преступление произыде древле роду человеческому;из Тоя исправление и нетление процвете.
Богородица днесь приводима в Дом Божий. И ныне и присно,и во веки веков,аминь:
Играют Ангельская воинства,и всех человек множество,и пред лицем,Пречистая,
предтекут Твоим днесь свещеносицы,зовуще: величествия Твоя в Дому Божии.
Господи,помилуй. Господи,помилуй. Господи,помилуй.
Слава Отцу и Сыну и Святому Духу,и ныне и присно,и во веки веков,аминь.
Возопий Давиде,что сей настоящий праздник,Юже воспел еси иногда в книзе псаломстей
яко Дщерь Богоотроковицу и Деву:приведутся,рече,Царю таинственно девы во след Ея,и ближния Ея.
И дивен соделай и всемирен праздник зовущим: Богородица нам предста,спасения Ходатаица.