Январь в хронике жизни человека во Христе

1.

529. 20 янв. Собор Предтечи и Крестителя Господня Иоанна (13.01.2004 12:01)
Се Агнец Божий,иже грехи мира вземляй: возопил еси Предтече блаженне,
внегда виде Христа,на земли ходяща. Того убо моли,грехов оставление даровати
тебе почитающим: имаши бо к Нему велие воистинну дерзновение Крестителю,
яко ходатай Закона и Благодати.
Плотскаго Твоего пришествия убоявся,Иордан страхом возвращается;
пророческое же служение исполняя,Иоанн трепетом спряташеся;
Ангельскии чини ужасахуся,зряще Тя во струях плотию крещаема;
и вси сущии во тьме озаряхуся,воспевающе Тя,явльшагося
и просветившаго вся.
562. 20 янв. Собор Предтечи и Крестителя Господня Иоанна (13.01.2004 12:07)
Проповедниче Христов и Крестителю,Ангеле,Апостоле,мучениче,Пророче,Предтече,
Свешниче,друже ближний,пророков печать,в рожденных пречестнейший,ходатаю
ветхия и новыя Благодати,светлый Слова гласе,твоими священными ходатайствы
молитвенная творения к Богу благоутробному исправи.
41. 20 января. Собор Иоанна Предтечи (20.01.2002 12:03)
Память праведного с похвалами, тебе же довлеет свидетельство Господне,Предтече:
показал бо ся еси воистинну и пророков честнейший,яко и в струях крестити
сподобился еси Проповеданного. Темже за истину пострадав радуяся,
благовестил еси и сущим во аде Бога явльшегося плотию,
вземлющего грех мира и подающего нам велию милость.
Пророче Божий и Предтече благодати,главу твою,яко шипок священнейший,
от земли обретше,исцеления всегда приемлем,ибо паки,якоже прежде,
в мире проповедуеши покаяние.
Величаем тя,Крестителю Спасов Иоанне,
и почитаем вси честныя твоея главы усекновение.
507. 20 янв. Собор Предтечи и Крестителя Господня Иоанна
(13.01.2004 12:10)
Чистыя Девы Бога воплотившия сродник был еси,блаженне Предтече,
с Неюже тя чтим и молим,иже в Божественнем храме твоем
ныне живуще,храмы и нас сотвори Духа Святаго.
466. 20 янв. Собор Предтечи и Крестителя Господня Иоанна
(13.01.2004 12:16)
Восхвалим ныне Господня Предтечу,егоже священнику Елисавет роди,
из ложесн неплодных,но не без семене: Христос бо Един вместилище
пройде непроходимо без семене.
Иоанна неплоды роди,без мужа же сего не роди: Иисуса же,осенением
Отца и Духа Божия,Дева роди Чистая. Но Безсеменному явися
от неплодове Пророк,и Проповедник,вкупе и Предтеча.