Праведных Симеона Богоприимца и Анны пророчицы

1.

627. 16 февраля. Праведных Симеона Богоприимца и Анны пророчицы
(24.01.2006 14:04)
В законе быв священнодетель,священнейше,Егоже закон проповеда,Младенца видел еси
и естества законом,Богоприимче,умер,к безсмертней,радуяся,прешел еси жизни.
Святии праведнии Симеоне и Анно,молите Бога о нас.
Руками держащаго вселенныя концы,Девическими носила руками,видел еси,
и,честными твоими прием объятии,Моисея вышший явился еси,пребогате.
Святии праведнии Симеоне и Анно,молите Бога о нас.
Полный истощавается,Превечный начинается,Слово одебелевает,Содетель зиждется,
Невместимый вмещается,в чреве Твоем,воплощаемь,Богоблагодатная.
Слава Отцу и Сыну и Святому Духу,и ныне и присно,и во веки веков,аминь.
Закону Господа,разверзшаго ложесна Девича,и Младенца,плотоносца,
Симеоне,бывша,видел еси,дарующаго всем избавление.
Слава Отцу и Сыну и Святому Духу:
Руками человека создавый,воплощься,руками твоими держимь есть,освящая тя яве,
и к жизни будущей просившася,блаженне,отпущает тя.
И ныне и присно,и во веки веков,аминь:
Мысленную Тя клещу,угль носящу Божественный,от Твоих кровей воплощенна
паче ума Симеон яко виде,Всенепорочная,радуяся,ублажаще.
Господи,помилуй. Господи,помилуй. Господи,помилуй.
Престарелся еси в старости,верою же обновился еси,нова Младенца хотя видети,Симеоне,
всесовершеннаго,обновляюща мир обветшавший прилогом ветхаго борца.
Святии праведнии Симеоне и Анно,молите Бога о нас.
Воспоим днесь,духовно ликующе вси Симеона Богоприимца и с ним Анну целомудрую,
пророки суща Божия и Сего видевшия,нас ради младенствовавшаго.
Слава Отцу и Сыну и Святому Духу,и ныне и присно,и во веки веков,аминь.
Овдовевший мир Божественныя славы пришедшаго Невестоукрасити Пребожественнаго,
вдова сущи,Анна всехвальная,и пророчества благодатию облистаемая,прослави Его
и будущее всем предстоящим показаше Божественное избавление.
Святии праведнии Симеоне и Анно,молите Бога о нас.
Яко крин,яко благовонен шипок,яко Божественное обоняние,обрет Тя
Слово Пребожественное,Пречистая Богоневесто,и в Твою утробу вселися,
благоухая наше естество,злосмрадия исполньшееся,еже от греха,Марие Богородице.
Слава Тебе,Пречистая Матерь Божия.
Явльшуюся Тя,Матерь Божию,яко видев,Богородице,старец рече,якоже пророк:
се Твой Сын,на востание и падение многих лежит,Владычице,
и в знамение неудобосказуемое.
Благословен Бог.