Праздник святителей. Февраль православного календаря

1.

591. 25 февр.Алексия,митр.Московского и всея России,чдтв.(1378г.) (10.02.2004 12:51)
Апостольских догмат опасна хранителя,Церкве Российския пастыря и учителя,
преблаженнаго Алексия святителя память празднующе,славословием Христа Бога нашего
песньми достодолжными,даровавшаго нам угодника Своего,яко обильный источник точащь
врачевания,граду же Москве похвалу и утверждение.
716. 25 февраля. Свт.Московского Алексия,всея России чудотворца (29.01.2006 12:56)
Колесницею благодати Твоея,Господи,возвыси наша помыслы от дольних на Горняя
и сподоби восхвалити угодника Твоего,святителя Алексия,песнь Тебе,Богу,воспевающа.
Святителю отче наш Алексие,моли Бога о нас.
Ты еси светило Российския землии граду Москве стена нерушима,на враги же победитель,
и христоименитым людем во бранех пособник,зовущим Христу:
силе Твоей слава,Человеколюбче.
Святителю отче наш Алексие,моли Бога о нас.
Ты Богословил еси Единицу несозданную,в Триех Лицех сущую,несливаему же
и нераздельну,воумляя паству твою,отче Алексие,непрестанно звати:
силе Твоей слава,Человеколюбче.
Слава Отцу и Сыну и Святому Духу,и ныне и присно,и во веки веков,аминь.
241. 25 февраля.Святителю Мелетию Антиохийскому(381г.)
(18.02.2003 11:11)
Духовнаго твоего дерзновения убоявся,отступник бегает Македоний; молитвенное же
служение совершающе,твои раби,любовию притекаем,Ангелом собеседниче,Мелетие,
огненный мечу Христа
Бога нашего,вся безбожная закалаяй: воспеваем тя,светильника,просветившаго вся.