613. 30 марта. Алексия, человека Божия (411г.). Псалмы

1.

613. 30 марта. Алексия,человека Божия(411г.) (23.03.2004 12:47)
Дом родителей твоих яко чуждь имев,водворился еси в нем нищеобразно,
и по преставлении венец прием славы,дивен на земли явился еси,
Алексие,человече Божий,Ангелом и человеков радование.
Со святыми упокой,Христе,души раб Твоих,идеже несть болезнь,
ни печаль,ни воздыхание,но жизнь безконечная.
727. 30 марта. Прп.Алексия,человека Божия(411) (26.03.2006 12:14)
Молвы житейския и тяжесть богатства оставил еси и пресельник
был отечества,блаженне Алексие,Христове нищете подобяся.
Преподобне отче Алексие,человече Божий,моли Бога о нас.
580. 30 марта. Прп.Макария,игумена Калязинского,чдтв.(1483г.) (23.03.2004 13:03)
Вышних желая,воздержанием и труды,и поты насладився,желание плоти твоея обуздав,
чудес дар прием от Христа Бога,светильник явился еси пресветлый. Темже Христова
Церковь песньми славит тя,преподобне Макарие,отче наш.
256. 30 марта.Прп.Макария,игумена Калязинского,чудотворца(1483г.)
Плотская мудрования,отче Макарие,воздержанием и бдением умертвил еси,
место бо,на немже поты твоя излиял еси,яко труба,вопиет к Богу,поведающи
твоя исправления,и по смерти честныя твоя мощи источают исцеления.
Темже вопием ти: моли Христа Бога,да спасет души наша.
(20.03.2003 11:10)
255. 30 марта.Прп.Алексия,человека Божия(411г.) (19.03.2003 11:09)
Возвысився на добродетель и ум очистив,к Желанному и Крайнему достигл еси,
безстрастием же украсив житие твое,и пощение изрядное восприим совестию чистою,
в молитвах яко безплотен пребывая,возсиял еси яко солнце в мире,преблаженне Алексие.
677. 30 марта. Прп.Макария,игумена Калязинского,чудотворца(1483)(26.03.2006 12:39)
О,священная главо,преподобне отче,преблаженне авво Макарие!
Не забуди убогих своих до конца,но поминай нас во святых своих и благоприятных
молитвах к Богу. Помяни стадо свое,еже сам упасл еси,и не забуди посещати чад своих.
Моли за ны,отче священный,за дети своя духовныя,яко имея дерзновение ко Небесному
Царю: не премолчи за ны ко Господу и не презри нас,верою и любовию чтущих тя.
Поминай нас,недостойных,у престола Вседержителева,и не престай моляся о нас
ко Христу Богу: ибо дана тебе бысть благодать за ны молитися. Не мним бо тя
суща мертва: аще и бо и телом преставился от нас,но и по смерти жив сый пребываешь.
Не отступи от нас духом,сохраняя нас от стрел вражиих и всякия прелести бесовския
и козней диавольских,пастырю наш добрый. Аще бо и мощей твоих рака пред очима
нашима видима есть всегда,но святая твоя душа с ангельскими воинствы,со безплотными
лики,с небесными силами у престола Вседержителева предстоящи,достойно веселится.
Ведуще бо тя воистину и по смерти жива суща,тебе припадаем и тебе молимся,
еже молитися о нас Всесильному Богу о пользе душ наших и испросити время
на покаяние и о невозбранном преитии от земли на небо,избавлении мытарств же горьких,
бесов воздушных князей и вечныя муки,и Небесному Царствию наследником быти
со всеми праведными,от века угодившими Господу нашему Иисусу Христу:Емуже подобает
всякая слава,честь и поклонение со безначальным Его Отцем,и пресвятым,и благим,
и животворящим Его Духом и ныне и присно,и во веки веков,аминь.
676. 29 марта. Апостола Аристовула,еп.Вританийского(Британского)(26.03.2006 12:10)
Величем тя,апостоле Христов Аристовуле,и чтим болезни и труды твоя,
имиже трудился еси во благовестии Христове.