297. 14 апреля. Прп. Геронтия, канонарха Печерского, в Дальних пещерах. Псалмы

1.

297. 14 апреля.Прп.Геронтия,канонарха Печерского,в Дальних пещерах
(02.04.2003 12:14)
Всечестный канонарше Геронтие,правилоначальником бывый в церкви,
и в правиле иночестем возсиявший светло,моли Христа Бога,
да прегрешений оставление подаст душам нашим.
296. 14 апреля.Прп.Евфимия,архим.Суздальского,чудотворца(1404г.)
(02.04.2003 12:02)
Яко светозарная звезда,пришел еси от востока на запад,оставив отечество твое,
Нижний Новград, и,дошед богоспасаемаго града Суждаля,в нем обитель сотворил еси,
и собрал еси монахов множества, и,прием дар чудес от Бога,отче Евфимие,был еси
о Христе собеседник и спостник преподобному Сергию. С нимже у Христа Бога
испроси нам здравие и спасение,и душам нашим велию милость.
Волнений множество невлажно преходя,безплотныя враги струями слез твоих
погрузил еси,богомудре Евфимие преподобне,тем и чудес дар приял еси,
моли непрестанно о всех нас.
245. 14 апреля.Мч.Авраамия Болгарского,Владимирского чудотворца
(02.04.2003 12:06)
Днесь благовернии людие,сошедшеся,восхвалим добляго сего мученика и страдальца
Авраамия,сей бо,укрепляемь силою Божиею,душу свою положи за Христа,много пострадав
от зловерных болгар. Сего ради от Господа венец прият и ныне предстоит Ему и молится
о граде сем и о всех нас,чтущих память его.
620. 14 апреля. Прп.Марии Египетской(522г.) (12.04.2004 12:09)
Удалилася еси,бежавши,сущих в мире и сладких всех,едина же Единому чисто
приобщилася еси крайним воздержанием и терпением дел твоих.
Преподобная мати Марие,моли Бога о нас.
638. 14 апреля. Преподобной Марии Египетской(522) (12.04.2006 14:57)
Блудами первее преисполнена всяческими,Христова невеста днесь покаянием явися,
ангельское жительство подражающи,демона креста оружием погубляет.
Сего ради Царствия невеста явилася еси,Марие преславная.
Греха мглы убежавши,покаяния светом озаривши твое сердце,славная,пришла еси
ко Христу. Сего Всенепорочную и святую Матерь,Молитвенницу милостивную принесла
еси. Отонудуже и прегрешений обрела еси оставление,и со ангелы присно срадуешися.
619. 13 апреля. Шуйской иконы Божией Матери(перех.праздн.) (12.04.2004 12:02)
Мати Божия Пречистая,стено христиан,избави люди Твоя обычно зовущия прилежно:
сопротивися срамным и гордым помыслом,да вопием Ти: радуйся,Приснодево!
650. 20 апреля. Воспоминание Тайной вечери (13.04.2006 15:23)
Тайной трапезе в страсе приближившеся вси,чистыми душами хлеб приимем,
спребывающе Владыце; да видим,како умывает ноги учеников,и сотворим якоже видим,
друг другу покаряющеся и друг другу нозе умывающе: Христос тако повеле Своим
учеником,предрек тако творити,но не услыша Иуда,раб и льстец.
Вечери Твоея тайныя днесь,Сыне Божий,причастника мя приими: не бо врагом Твоим
тайну повем,ни лобзание Ти дам яко Иуда,но яко разбойник исповедаю Тя:
помяни мя,Господи,во Царствии Твоем.