Памяти святых Божиих

1.

674. (18.05.2006 14:06) Слава Отцу и Сыну и Святому Духу,и ныне и присно,и во веки веков,аминь.
673. 23 мая. Киево-Братской(1654)иконы Божией Матери (18.05.2006 12:54)
Странное рождество видевше,устранимся мира,ум на небеса преложше: сего ради высокий Бог
на земли явися смиренный человек,хотяй привлещи к высоте Тому вопиющия: Слава Тебе,Боже наш.
Величаем Тя,Пресвятая Дево,Богоизбранная Отроковице,и чтим образ Твой святый,
имже точиши исцеления всем с верою притекающим.
672. 23 мая. Апостола Симона Зилота,иже и Кананит именуется(1в.) (18.05.2006 12:49)
Видев чудеса Христовы,Симоне преславне,верно последовал еси во плоти явльшемуся Богу.
от Негоже возлюблен был еси и к лику избранных дванадесяти Апостол Его сопричтен был еси,
якоже ревнитель славы Его,наименование новое Зилота,си есть ревнителя,получил еси.
Сию ревность о славе Божией испроси и нам,учениче Спасов,да купно с тобою
Сподобимся пети Христу: Слава Тебе,Боже наш.
258. 23 мая.Апостола Симона Зилота(I в.) (20.05.2003 11:47)
Известно премудрости учения в душах благочествующих положшаго во хвалении ублажим,
яко благоглаголиваго Симона:престолу бо Славы ныне предстоит и со безплотными
веселится,моляся непрестанно о всех нас
510. 23 мая. Апостола Симона Зилота(1в.) (13.05.2004 12:12)
Избранный Апостоле Христов и благовестниче,мрежею проповеди твоея уловивый во спасение
многия души человеческия и ко Христу приведый идолослужением помраченныя люди,
Симоне блаженне,в песнех восхвалим тя с любовию и молим ти ся прилежно:
яко имеяй дерзновение ко Господу,молися Ему выну за ны грешныя
и молитвами твоими от всяких нас бед свобождай,да зовем ти:
радуйся,Симоне,Апостоле Христов и молитвенниче о душах наших.
621. 22 мая. Перенесение честных мощей Святителя
и чудотворца Николая (15.05.2005 13:42)
Ангельская жилища достиг добродетельми,предстоиши Владыце Твоему Христу,
Емуже раб благопокорив был еси,и от раки миро точиши,верным пособствуя
чудесы твоими,и к Богу приводя благочестивыя. Не от Бара ныне призываем тя,
но от горняго Иерусалима,идеже радостно ликуеши со апостолы,и пророки,
и святители: помолися,богоносе Николае,Спасу всех,умирити мир,
и спасти души наша.
Слава Отцу и Сыну и Святому Духу:
Святителей удобрение,и отцев славу,источника чудес и верных заступника великаго,
сошедшеся,о празднолюбцы,песненными похвалами воспоим,глаголюще: радуйся,
миряном хранителю,и первоседателю честный,и столпе неподвижимый,радуйся,
светильниче всесветлый,иже мирския концы просвещая чудесы. Радуйся,
скорбящих божественная радосте,и обидимых теплый предстателю.
И ныне,всеблаженне Николае,не престай моляся Христу Богу,о верою и любовию
чтущих приснорадостную и всепразднственную память твою.
308. 23 мая.Свт.Симона,еп. Владимирского и Суздальского(1226г.)
(20.05.2003 12:08)
Житий преподобных отец Печерских списателю известный,
святителю Христов Симоне всеблаженне,молися прилежно с ними
Христу Богу,да управит в мире живот наш и в книги животныя
да напишет ны,спасая души наша.