Почаевской иконе

1.

131. 5 августа - ПОЧАЕВСКОЙ иконы Божией Матери
и ВСЕХ СКОРБЯЩИХ РАДОСТЬ (01.08.2002 16:20)
Благодать исцелений и умиления молитвеннаго от Твоея,Владычице,
иконы источаемая,да не вотще душам нашим будет,аще бо грех ради
во окамененное безчувствие впадохом;обаче,яко имущая власть
мертвыя воскрешати,и наше пробуди душевное омертвение
и помыслом лучшим сердца наша озари,да греховную прелесть
возненавидевше,воспоем Богу:Слава Тебе,Боже наш.
Благодати залог восхотевши дати роду нашему,цельбоносную икону
Твою явила еси нам,Богомати,от неяже токи чудес с верою
приходящим источаются,недузи врачуются и скорби утоляются.
Сего ради радостно о Тебе вопием Богу:Слава Тебе,Боже наш.
714. 5 авг. Иконы Божией Матери,именуемой
"Всех скорбящих Радость" (01.08.2006 17:52)
Ты еси Ангелов радость,Ты еси праведников доброта,
Ты еси верных надежда,Ты еси соблюдение наше,
Ты еси мост,к жизни нестареющейся преводяй
верою и любовию Тя величающия.
Пресвятая Богородице,спаси нас.
311. 5 августа.Мчч.Трофима,Феофила
и с ними 13 мучеников(284-305г (29.07.2003 12:57)
Мученицы Твои,Господи,во страданиих своих венцы прияша нетленныя
от Тебе,Бога нашего:имуще бо крепость Твою,мучителей низложиша,
сокрушиша и демонов немощныя дерзости.Тех молитвами спаси души наша.
Яко воини,мученицы непобедимии,течением невозбранным в судилище
неверных внидосте и веры ради многия муки претерпесте,Христа
исповедающе Единаго со дерзновением.Того молите,Трофиме и Феофиле
с прочими,яко да тяготу страстей отложше,ваше ныне страдание поем,
страстотерпцы непреоборимии.
388. 5 августа.ПОЧАЕВСКОЙ иконы Божией Матери(1675г.)
(29.07.2003 12:48)
Источник исцелений и веры православныя утверждение
Почаевская Твоя икона,Богородице,явися,темже и нас,к ней
притекающих,от бед и искушений свободи,лавру Твою невредиму сохрани,
Православие во окрест стоящих странах утверди и грехи разреши
молитвенник Твоих:елика бо хощеши,можеши.
713. 5 августа. Почаевской иконы Божией Матери(1675) (01.08.2006 17:47)
Взбранной Воеводе родов христианских и страны нашея известней
Избавительнице хвалебныя песни принесем,вернии,на святей горе Ея
собравшеся; Ты же,яко имущая милосердие неизреченное,о Владычице
Богородице,моления нашего пред чудотворным Твоим образом возносимаго,
не отвержи,да в умилении сердец зовем Ти: Радуйся,похвало Почаевская
и всего мира надеждо и утешение.