Званием евангельски Христу уневестившися

1.

312. 6 августа.Мученицы Христины,Тирской(ок.300г.) (30.07.2003 11:19)
Званием евангельски Христу уневестившися,Христино славная,славу мира сего
и похоть бренную вменила еси ни во что же,о самом телеси не брегущи,
муки претерпела еси доблественно,тем твое страдание хвалами
почитаем,мученице,Христу тезоименитая.
707. 6 авг. Мчч.блгвв.князей Бориса и Глеба,во Святом Крещении
Романа и Давида (01.08.2006 18:03)
Богомудрая двоице,велицыи страдальцы,со святыми Троице предстояще,
Молитеся очищение мне даровати,вас похваляющему.
Святые благоверные князие-страстотерпцы Борисе и Глебе,молите Бога о нас.
130. 6 августа - святых благоверных князей Бориса и Глеба
(01.08.2002 15:47)
Избраннии и всехвальнии страстотерпцы Христовы Борисе и Глебе,
благословеннии чада просветителя нашего равноапостольнаго Владимира,
от идольскаго нечестия в чудный свет веры Христовы пришедшии и кровь
пролиявшии за веру во Христа Бога нашего,похвальная пения вам приносяще,
мы,недостойнии,во гресех и скорбех наших прибегаем к вашему заступлению,
вы же,яко дерзновение имущие ко Господу,молите Его,Всеблагаго Царя Славы,
даровати милость почитающим святую вашу память и во умилении сердца
поющим вам:Радуйтеся,Борисе и Глебе,великии и славнии страстотерпцы.
129. Собору Смоленских святых (30.07.2002 11:32)
Соборе святых земли Смоленския,
водами священнаго Днепра омовенныя,
святителие,преподобнии,страстотерпцы
и благовернии,апостольскую веру соблюдшии,
се ныне,Святей Троицы с Богородицею
и лики Безплотных предстояще,
водами благочестия землю Русскую напаяете,
дарующе православным помощь Небесную
во утверждение веры и спасение душ наших.
389. 6 августа.Прп.Поликарпа,архим.Печерского(1182г.)
(30.07.2003 11:38)
Тезоименит званию твоему,яко многоплодное древо,
насажден сый во обители Божия Матере,многая и чудная
тщанием твоим исправления показавый,мудре Поликарпе,
моли Христа Бога о нас,яко да и мы,многия
добродетелей Ему принесше,спасемся.