Кондак Богородице из Акафиста Божией Матери "Смоленская"

1.

132. Кондак Богородице из Акафиста Божией Матери
"Смоленская" ("Одигитрия (09.08.2002 13:22)
Пение всеумиленное слышаще от верных рабов Твоих возносимое,
Ты,Пречистая Мати Дево,яко имущая милосердие неизреченное,
насыти нас пищею нетленною Слова Божия и научи нас всегда
исполняти животворныя заповеди Господа нашего; Егоже умоли,
предстательнице наша Всеблагая,да ниспослет милость Свою нам
недостойным и сподобит нас унаследовати Его всесветлое
и всеблаженное Царствие,идеже от всех святых поется Ему
всеблаженная песнь:Слава Тебе,Боже наш.
131. 10 августа - иконы Божией Матери СМОЛЕНСКАЯ/ОДИГИТРИЯ/
(07.08.2002 13:27)
Избранней от всех родов,Небесе и земли Царице,Пресвятей Богородице
Одигитрии,яко избавльшеся от вечныя смерти благоданию от Тебе
рождшагося Христа Бога нашего и Твоим матерним пред Ним
ходатайством,благодарственное пение приносим Ти,раби Твои.
Ты же,всемилостивая наша Заступнице,от всех нас бед и скорбных
обстояний свобождай и к Царствию Горнему путеводствуй,да зовем Ти:
Радуйся,Богородице Одигитрие,христиан упование!
394. 10 августа.ГРЕБНЕВСКОЙ иконы Божией Матери(1380г.)
(02.08.2003 13:52)
Днесь,яко солнце пресветло,просия в Российстей стране,
в конце ея полуденнем,всечестная икона Твоя,Владычице,
юже благоверный великий князь Димитрий в град Москву
принесе.Светло празднуем,благовернии людие,честнаго образа
пришествие,молящеся прилежно: Владычице Богородице,
молися Сыну Твоему,Христу Богу нашему,избавити град Москву,
страну нашу и вся православныя христианы от варварскаго
пленения,и междоусобныя брани,и всех навет вражиих,
Тебе бо Едину Заступницу имамы.
393. 10 августа.СМОЛЕНСКОЙ иконы Божией Матери,
именуемой"Одигитрия (02.08.2003 13:29)
Вси вернии с радостию и утешением видят образ Твой святый,
на немже умиленно взираеши на Богомладенца Христа,
сего ради молим Тя,Всеблагая,яко Матерь вся Содержащаго
в деснице Свой Владыки: воззри на нас скоромилостиво,
и умоли Господа,да помилует нас недостойных.
Научи нас,Владычице,молитися Ему благоприятно,
и неосужденно пети Ему несквернами усты и чистым сердцем
ангельскую песнь: Слава Тебе,Боже наш.