Пророку, Предтече и Крестителю Господню

1.

523. Пророку,Предтече и Крестителю Господню (01.09.2004 12:03)
Величаем тя,Крестителю Спасов Иоанне,и почитаем вси честныя твоея главы усекновение.
Воистинну в тебе не солга Божественный глас:ты бо во пророцех больший еси,
яко пророчеству сподобился от самыя утробы в несовершенне телеси,
и прореченнаго тобою Бога Слова и видев,и крестив в телеси.
Святый Пророче,Предтече и Крестителю Господень Иоанне,моли Бога о нас.
522. 11 сент. Усекновение главы Пророка,Предтечи и Крестителя (30.08.2004 13:10)
Закон Божественный управляя,беззаконно заклан был еси. Темже молюся тебе,
беззаконнующа мя всегда,и прельщаема бесовскими прельщеньми исправи.
Величаем тя,Крестителю Спасов Иоанне,и почитаем вси честные твоея главы усекновение.
733. 11 сентября. Усекновение главы Пророка,Предтечи и Крестителя (07.09.2006 15:06)
От утробы неплодныя явльшася пророка в ложеснах Девических,
во чреве Носимому неизреченно,священнаго воспоим Предтечу.
Святый пророче,Предтече и Крестителю Господень Иоанне,моли Бога о нас.
Воистинну в тебе не солга Божественный глас: ты бо во пророцех больший еси,
яко пророчеству сподобился от самыя утробы в несовершенне телеси,
и прореченнаго тобою Бога Слова и видев,и крестив телеси.
Слава Отцу и Сыну и Святому Духу,и ныне и присно,и во веки веков,аминь.
Древних яко ходатай и новых,Предтече,Евангельских проповеданий ты,представ,
смешение беззаконное мучительское обличил еси,славную смерть,радуяся,приял еси.
Святый Пророче,Предтече и Крестителю Господень Иоанне,моли Бога о нас.
600. 11 сент. Усекновение главы Пророка,Предтечи и Крестителя (30.08.2004 12:59)
Крестителю и Предтече Христов,погружаемый всегда сластьми телесными ум мой управи,
и волны страстей укроти,яко да в тишине Божественней быв песнословлю тя.
424. 11 сентября.Усекновение главы Пророка,Предтечи и Крестителя (09.09.2003 12:54)
Предтече,проповедателю покаяния,покаятися ми от души всея,моли Спаса и Господа,
ум мой просвещая и сердце,любовию чтущаго тя.
146. 11 cентября.Усекновение главы Иоанна Предтечи (06.09.2002 13:25)
Предтечево славное усекновение,смотрение бысть некое Божественное,
да и сущим во аде Спасово проповесть пришествие;да рыдает убо Иродиа,
беззаконное убийство испросивши:не закон бо Божий,ни живый век возлюби,
но притворный,привременный.
Величаем тя,Крестителю Спасов Иоанне,и почитаем вси честныя Твоея главы усекновение.
586. 11 сентября. Усекновение главы Предтечи и Крестителя Иоанна (09.09.2005 16:34)
Покаяния проповедниче,Иоанне Крестителю,отсечене бывшей твоей главе,землю освятил еси,
зане закон Божий верным уяснил еси,и беззаконие потребил еси. Яко предстоя престолу
Небеснаго Царя Христа,Того моли,помиловати души наша.
Праведник яко финикс процветет;яко кедр иже в Ливане умножится.
Закона ради Господня,во главу усекновен был еси,о всесвятый Иоанне!
Обличил еси царя злочестива беззаконновавша,дерзновением непорочным.
Темже дивятся тебе воинства ангельская,славят тя лицы апостол и мученик;
чтем твою и мы летнюю память всеславне,славяще Святую Троицу,
тебе венчавшую,Предтече блаженне.
Слава Отцу и Сыну и Святому Духу:
Предтече Спасов,ты царя изобличил еси,беззакония не делати.
Темже играние беззаконныя жены повину Ирода отсещи твою главу:
и сего ради от восток солнца даже до запад хвально имя твое.
Дерзновение имея ко Господу,прилежно моли спастися душам нашим.
И ныне и присно,и во веки веков,аминь:
Безневестная Дево,Яже Бога неизреченно заченши плотию,
Мати Бога Вышняго,Твоих рабов мольбы приими,Всенепорочная,
всем подающи очищение прегрешений: ныне наше моление
приемлющи,моли спастися всем нам.
Память праведнаго с похвалами,тебе же довлеет свидетельство Господне,Предтече:
показал бо ся еси воистинну и пророков честнейший,яко и в струях крестити
сподобился еси Проповеданнаго. Темже за истину пострадав радуяся,
благовестил еси и сущим во аде Бога явльшагося плотию,
вземлющаго грех мира,и подающаго нам велию милость.
Величаем тя,Крестителю Спасов Иоанне,и почитаем вси честныя твоея главы усекновение.
Блажен муж,бояйся Господа: в заповедех Его восхощет зело. В память вечную будет праведник.
Праведник яко финикс процветет,яко кедр,иже в Ливане,умножится. Возвеселится праведник
о Господе,и уповает на Него.