130. 21 сентября. Рождество Богородицы. Псалмы

1.

130. 21 сентября.Рождество Богородицы (20.09.2002 13:04)
Услыша Господь Бог праведных Иоакима и Анны воздыхания
и дарова им по обетованию архангелову Дщерь Пречистую
и Преблагословенную,Деву Марию,спасения нашего начало
и Ходатаицу,о Еяже рождестве небо и земля возрадовастася,
ангели и архангели возвеселишася,
люди еже,прославивше Бога,воспеша сице:
Радуйся,Марие,великое всея твари чудо;
Радуйся,Дщи Давидова,Господня же Мати.
Радуйся,единая в женах благословенная;
Радуйся,от ангел на небесех препрославленная.
Радуйся,Заре незаходимая,свет мирови возсиявшая;
Радуйся,Лампадо неугасимая,нощь скорбей просветившая.
Радуйся,яко видение зрака Твоего ангелом пресладостно;
Радуйся,яко явление Твое миру человеком прерадостно.
Радуйся,новый Раю,на земли насажденный;
Радуйся,светлый Чертоже,Небесному Царю преукрашенный.
Радуйся,Палато Духа Пресвятаго;
Радуйся,Скиния Бога с человеки.
Радуйся,Пречистая,весь мир рождеством Своим возвеселившая.
559. 21 сент. Рождество Пресвятой Богородицы (16.09.2004 12:32)
Иоаким и Анна поношение безчадства,и Адам и Ева от тли смертныя свободистася,Пречистая,
во святем рождестве Твоем. То празднуют и людие Твои,вины прегрешений избавльшеся,
внегда звати Ти: неплоды раждает Богородицу,и питательницу жизни нашея.
Купина в горе огнеопальная,и росоносная пещь халдейская яве предписа Тя,Богоневесто,
Божественный бо невещественный в вещественном чреве огнь неопально прияла еси.
Темже из Тебе рождшемуся поем: благословен еси,Боже отец наших.
Халдейская пещь огнем распаляемая,орошашеся Духом,Божиим предстоянием,
отроцы пояху: благословен еси,Боже отец наших.
В пещи отрочестей прообразил еси иногда Твою Матерь,Господи,образ же сия из огня изымаше,
неопально входящия. Юже поем явльшуюся Тобою концем днесь,и превозносим во вся веки.
Покрываяй водами превыспренняя Своя,полагаяй морю предел песок,и содержай вся,
Тя поет солнце,Тя славит луна,Тебе приносит песнь вся тварь,яко Содетелю всех во веки.
Величай,душе моя,преславное рождество Божия Матере.
Величай,душе моя,от неплодове рождшуюся Деву Марию.
Яже прежде солнца светильника Бога возсиявшаго,плотски к нам пришедшаго из боку девичу
неизреченно воплотившая,благословенная Всечистая,Тя,Богородице,величаем.
Чужде матерем девство,и странно девам деторождение: на Тебе,Богородице,
обоя устроишася,тем Тя вся племена земная непрестанно величаем.
150. Рождеству Пресвятой Богородицы (20.09.2002 13:24)
Избранней от всех родов Божией Матери,небеси и земли Царице,освятившей род человеческий
пришествием к нам во всечестнем рождестве Твоем,благоговейная пения приносим Ти
раби Твои,Богородице. Ты же,яко пришедшая на утешение и спасение наше,
от всяких нас бед свободи,да зовем Ти:Радуйся,Пречистая,
весь мир рождеством Своим возвеселившая.
412. 21 сент.Рождество Пресвятой Владычицы нашей Богородицы (17.09.2003 14:39)
Всем жизнь источаяй Господь,от неплодове произведе Деву,
в Нюже вселитися изволи и по рождестве сохранив нетленну.