214. 7 января. Ирмосы на Рождество Христово. Псалмы

1.

214. 7 января.Ирмосы на Рождество Христово (28.12.2002 11:30)
Христос раждается,славите.Христос с Небес,срящите.Христос на земли,возноситеся.
Пойте Господеви вся земля,и веселием воспойте,людие,яко прославися.
Прежде век от Отца рожденному нетленно Сыну,и в последняя от Девы
воплощенному безсеменно,Христу Богу возопиим: вознесый рог наш,свят еси,Господи.
Таинство странное вижу и преславное: Небо - вертеп,Престол Херувимский - Деву,
ясли - вместилище,в нихже возлеже Невместимый - Христос Бог,Егоже воспевающе величаем.
519. 7 янв.Рождество Господа Бога и Спаса нашего Иисуса Христа (26.12.2003 12:31)
Пастырие свиряюще,ужасно светоявление получиша: слава бо Господня облиста их,
и Ангел,воспойте,вопия: яко родися Христос,отцев Бог Благословенный.
Слава,Господи,Святому Рождеству Твоему.
Внезапу с словом Ангеловым небесная воинства,слава,вопияху,Богу в вышних,на земли мир,
в человецех благоволение: Христос возсия,отцев Бог Благословенный.
Величай,душе моя,Честнейшую и Славнейшую Горних воинств Деву,Пречистую Богородицу.
Любити убо нам,яко безбедное страхом,удобее молчание,любовию же,Дево,песни ткати,
спротяженно сложенныя,неудобно есть;но и,Мати,силу,елико есть произволение,даждь.
Слава Отцу и Сыну и Святому Духу,и ныне и присно,и во веки веков,аминь.
775.
(04.01.2007 12:19)
Благословен Бог
774. 7 января. Рождество Господа Бога и Спасителя нашего
Иисуса Христа (04.01.2007 11:17)
Рождество Твое,Христе Боже наш,возсия мирови свет разума:
в нем бо звездам служащие звездою учахуся Тебе кланятися
Солнцу правды,и Тебе ведети с высоты Востока; Господи,слава Тебе!
782.
(04.01.2007 12:00)
Слава Тебе,Господи
781. 7 января. Рождество Господа Бога и Спасителя нашего Иисуса Христа
(04.01.2007 11:26)
Видев Зиждитель гиблема человека,руками егоже созда,приклонив небеса сходит.
Сего же от Девы Божественныя Чистыя,всего осуществует,воистинну воплощься,
яко прославися. Слава,Господи,Святому Рождеству Твоему.
780.
(04.01.2007 11:21)
Помилуй мя,злобу и похоть древнюю,Господи.
188. 7 января.Слава,Господи,Святому Рождеству Твоему (28.12.2002 11:44)
Видев Зиждитель гиблема человека,руками егоже созда,приклонив небеса сходит.
Сего же от Девы Божественныя Чистыя,всего осуществует,воистину воплощься,
яко прославися.
798. 7 января. Рождество Господа Бога и Спасителя нашего
Иисуса Христа (04.01.2007 11:33)
Мудрость,Слово и Сила,Сын сый Отчий и Сияние,Христос Бог,сил утаився,елико премирны
и елико на земли,вочеловечься обновил есть нас,яко прославися.
Слава,Господи,Святому Рождеству Твоему.
178. 7 января.Слава,Господи,Святому Рождеству Твоему (28.12.2002 11:37)
Прииде воплощься Христос Бог наш из чрева,Егоже Отец прежде денницы раждает:
правления же держа пречистых сил,в яслех скотиях возлежит,и пеленами повивается,
разрешает же многоплетенныя пленицы прегрешений.
580. 7 января. Рождество Господа Бога и Спаса нашего Иисуса Христа
(26.12.2005 11:33)
Истлевша преступлением,по Божию образу бывшаго всего тления суща,лучшия
отпадша Божественным жизни,паки обновляет Мудрый Содетель,яко прославися.
Слава,Господи,святому Рождеству Твоему.
Сообразен бренному умалению растворением Христе быв,и причастием
плоти горшия,подав Божественнаго естества,землен быв,и пребыв Бог,
и возвысивый рог наш,Свят еси Господи.
Слава,Господи,святому Рождеству Твоему.
Се Дева,якоже древле рече,во чреве приемши,родила есть Бога вочеловечшася,
и пребывает Дева. Еяже ради примирившеся Богу грешнии,
Богородицу сущую воистинну вернии воспоим.
Слава,Господи,святому Рождеству Твоему.
Органы уклониша плачевныя песни,не пояху бо в земли чуждей отроцы Сионовы:
вавилонскую же разрешает лесть всю и мусикийские составы,в Вифлееме
возсияв Христос. Тем воспевающе воспоим: да благословит тварь вся Господа,
и превозносит во вся веки.
Слава Отцу и Сыну и Святому Духу,и ныне и присно,и во веки веков,аминь.

2.

541. 7 января. Рождество Христово (22.12.2004 13:54)
Веселитеся,праведнии,небеса радуйтеся,взыграйте горы,Христу рождшуся:
Дева седит Херувимом подобящися,носящи в недрех Бога Слова воплощенна,
пастыри рожденному дивятся; волсви Владыце дары приносят;
ангели воспевающе глаголют:Непостижиме,Господи,слава Тебе.
Богородице Дево,рождшая Спаса,упразднила еси первую клятву Евину: яко Мати
была еси благоволения Отча,носящи в недрех Божие Слово воплощенное.
Не терпит тайна испытания. Верою единою сию вси славим,зовуще с Тобою
и глаголюще: Неизреченне,Господи,слава Тебе.
Слава Отцу и Сыну и Святому Духу:
Егда время еже на землю пришествия Твоего,первое написание вселенней бысть;
тогда восхотел еси человеков написати имена,верующих Рождеству Твоему,
сего ради таковое повеление от кесаря возгласится;вечнаго бо Твоего Царствия
безначальное Рождеством Твоим обновися: тем Тебе приносим и мы паче именнаго
даннословия,православнаго богатство богословия,яко Богу и Спасу душ наших.
И ныне и присно,и во веки веков,аминь:
Днесь Христос в Вифлееме раждается от Девы;днесь Безначальный начинается,и Слово воплощается;
силы небесныя радуются,и земля с человеки веселится; волсви Владыце дары приносят,пастырие
Рожденному дивятся. Мы же непрестанно вопием: слава в вышних Богу,
и на земли мир,в человецех благоволение.
Молитвами Богородицы,Спасе,спаси нас.
Спаси ны,Сыне Божий,рождейся от Девы,поющия Ти: Слава Тебе,Боже наш.
Единородный Сыне и Слове Божий,безсмертен сый,и изволивый спасения нашего ради
воплотитися от Святыя Богородицы и Приснодевы Марии,непреложно вочеловечивыйся,
распныйся же,Христе Боже,смертию смерть поправый,Един сый Святыя Троицы,
спрославляемый Отцу и Святому Духу,спаси нас.
Слава Отцу и Сыну и Святому Духу,и ныне и присно,и во веки веков,аминь.
Из чрева прежде денницы родих Тя,клятся Господь и не раскается: Ты
Иерей во век во чину Мелхиседекову.
Елицы во Христа крестистеся,во Христа облекостеся. Аллилуия.
Вся земля да поклонится Тебе,и поет Тебе,да поет же имени Твоему,Вышний.
Величай,душе моя,Честнейшую и Славнейшую горних воинств Деву Пречистую Богородицу.
Таинство странное вижу и преславное: небо,вертеп; престол Херувимский,Деву;
ясли,вместилище,в нихже возлеже невместимый Христос Бог,Егоже воспевающе величаем.
Избавление посла Господь людем Своим.
Слава Отцу и Сыну и Святому Духу,и ныне и присно,и во веки веков,аминь.
173. 7 января.Рождество Христово (28.12.2002 11:08)
Избравый от всех родов пречистейшую ангел Деву,и от Нея
родивыйся плотию Христе Боже наш,благодарственная приносим Ти,
раби Твои,Владыко.Ты же яко имеяй милосердие неизреченное,
от всяких нас бед свободи,зовущих: Иисусе Сыне Божий,
воплотивыйся нас ради,слава Тебе.
500. 6 янв.Прмц.Евгении и с нею мчч.Прота,Иакинфа
и Клавдии(ок.262г (26.12.2003 12:19)
Благородия нравом тя честноподобне украсив обоживый Господь,
в рабии образе от Девы нам соединися,Иже тя в лик свещеносиц
вчини и с мученики сочета,Евгение,яко воистинну благородия
Божественныя славы венец улучи.