135. 8 октября. Преподобного Сергия Радонежского. Псалмы

1.

135. 8 октября.Преподобного Сергия Радонежского
(07.10.2002 11:13)
Христовою любовию уязвився,преподобне,и Тому невозвратным желанием последовав,
всякое наслаждение плотское возненавидел еси,и яко солнце отечеству твоему возсиял еси,
тем и Христос даром чудес обогати тя. Поминай нас,чтущих пресветлую память твою,
да зовем ти:радуйся,Сергие богомудре.
Ублажаем тя,преподобне отче Сергие,и чтим святую память твою,
наставниче монахов и собеседниче ангелов.
426. 8 окт.Прп.Евфросинии Александрийской(Vв.) (05.10.2003 16:35)
Вышнюю жизнь возжелевши получити,дольнюю сладость тщательно оставила еси
и самую себе смесила еси посреде мужей,краснейшая: Христа бо ради Жениха твоего,
о обручнице привременном небрегла еси.
460. 8 окт.Прп.Евфросинии Суздальской,в миру Феодулии(1250г.) (05.10.2003 16:42)
Святая твоя память Суждальскую страну веселит,верных же вся созывает во всечестный
храм твой,идеже ныне совершается всеславная память твоя,Евфросиния преподобная:
моли Христа Бога спастися душам нашим.
666. 8 октября. Преподобного Сергия Радонежского (27.09.2004 12:00)
Мира мятеж Преподобне оставив,и взем крест твой последовал еси Христу
невозвратным помыслом,и в пустыню вселился еси,Преподобне,душевныя страсти
из корене исторгая,и телесная чувства огорчевая,и частыми бдении и молитвами
благодать восприял еси,Преподобне,целити различныя недуги,ангелов собеседниче,
и преподобных сожителю: молися Господу,Сергие Преподобне,
помиловатися душам нашим.
159. 8 октября.Сергию Радонежскому (04.10.2002 13:49)
О,священная главо,преподобне и богоносне отче наш Сергие,
молитвою твоею,и верою и любовию,яже к Богу,и чистотою сердца,
еще на земли во обитель Пресвятыя Троицы душу твою устроивый,
и ангельскаго общения и Пресвятыя Богородицы посещения сподобивыйся,
и дар чудодейственная благодати приемый,по отшествии же твоем от земных
наипаче к Богу приближивыйся и небесныя силы приобщивыйся,но и от нас духом
любве твоея не отступивый,и честныя твоя мощи,яко сосуд благодати полный
и преизливающийся,нам оставивый! Велие имея дерзновение ко Всемилостивому Владыце,
моли спасти рабы Его,сущей в тебе благодати Его верующия и к тебе с любовию притекающия.
Испроси нам от Великодаровитаго Бога нашего всякий дар,всем и коемуждо благопотребен:
веры непорочны соблюдение,градов наших утверждение,мира умирение,от глада и пагубы
избавление,от нашествия иноплеменных сохранение,скорбящим утешение,недугующим
исцеление,падшим возставление,заблуждающим на путь истины и спасения возвращение,
подвизающимся укрепление,благоделающим в делех благих преспеяние и благословение,
младенцем воспитание,юным наставление,неведующим вразумление,сиротам и вдовицам
заступление,отходящим от сего временнаго жития к вечному благое уготовление
и напутствие,отшедшим блаженное упокоение,и вся ны споспешествующими
твоими молитвами споди в день страшнаго суда шуия части избавитеся,
десныя же страны общники быти и блаженный оный глас Владыки Христа
услышати:"Приидите,благословеннии Отца Моего,наследуйте уготованное вам
Царствие от сложения мира".Аминь.