788. 21 октября. Святой Пелагии девицы и преподобной Пелагии. Псалмы

1.

788. 21 окт. Святой Пелагии девицы(303)и преподобной Пелагии(457) (18.10.2006 18:07)
Агница Твоя,Иисусе,Пелагия,зовет велиим гласом:Тебе,Женише мой,люблю,
и Тебе ищущи страдальчествую.И сраспинаюся,и спогребаюся крещению Твоему,
и стражду Тебе ради,яко да царствую в Тебе,и умираю за Тя,да и живу с Тобою.
Но яко жертву непорочную приими мя,с любовию пожершуюся Тебе.
Тоя молитвами,яко Милостив,спаси души наша.
142. 21 октября.Преподобной Пелагии (20.10.2002 12:38)
В тебе,мати,известно спасеся еже по образу:приимши бо крест,последовала еси Христу,
и деющи учила еси презирати убо плоть,преходит бо,прилежати же о души,вещи безсмертней.
Темже и со ангелы срадуется,преподобная Пелагие,дух твой.
437. 21 окт.Преподобной Пелагии(457г.) (19.10.2003 12:31)
Тело твое постами изнуривши,бденными молитвами Творца умолила еси о деяниих твоих,
яко да приимеши совершенное оставление,еже и обрела еси,мати,яве,путь покаяния показавши.
458. 21 окт.Прп.Трифона,архим.Вятского,чдтв.(1612г.) (19.10.2003 12:43)
Яко светозарная звезда,возсиял еси от востока до запада,оставль бо свое отечество,
дошел еси Вятския страны и Богоспасаемаго града Хлынова,в немже обитель
во славу Пресвятыя Богородицы создав,и,тамо на добродетель вперився,
собрал еси иночествующих множество,и,сих наставляя на путь спасения,
был еси Ангелом собеседник,и постником сопричастник,Трифоне преподобне,
с ними Христа Бога моли спастися душам нашим.
475. 21 окт.Прп.Досифея Верхнеостровского,Псковского(1482г.) (19.10.2003 12:37)
Яко светильник всесветел явился еси во острове Псковскаго езера,преподобне отче наш Досифее.
Ты бо крест Христов от юности своея на рамо взем,усердно Тому последовал еси,чистотою Богови
приближився,отонудуже и чудес дарованием обогатился еси. Темже и мы,притекающе ко святой
иконе твоей,умильно глаголем: отче преподобне,моли Христа Бога спастися душам нашим.