477. 23 октября. Прп. Амвросия, старца Оптинского и всея России чудотворца. Псалмы

1.

477. 23 окт.Прп.Амвросия,старца Оптинского и всея России чудотворца (21.10.2003 11:44)
Яко к целебному источнику,притекаем к тебе,Амвросие отче наш,ты бо на путь спасения нас
верно наставляеши,молитвами от бед и напастей охраняеши,в телесных и душевных скорбех
утешаеши,паче же смирению,терпению и любви научаеши,моли Человеколюбца Христа
и Заступницу усерднуюспастися душам нашим.
Завет Пастыреначальника исполнив,старчества благодать наследовал еси,болезнуя сердцем о всех,
с верою притекающих к тебе,темже и мы,чада твоя,с любовию вопием ти: отче святый Амвросие,
моли Христа Бога спастися душам нашим.
476. 22 окт.Корсунской иконы Божией Матери (21.10.2003 11:32)
Всепречистая Матерь Божия,помилуй нас.
459. 23 окт.Свт.Амфилохия,еп.Владимирско-Волынского(1122г.) (21.10.2003 11:54)
От мирскаго мятежа изшед,в пещерах Киевских Феодосия блаженнаго Богомудренно вселился еси,
святителю Христов,отче Амфилохие,и отсюду во епископа Богоспасаемей пастве Владимиро-Волынстей
поставленный,в трудех,бдениих и пощениих свято подвизался еси. И тако достиг добродетелей
совершенства,паки в пещеры святыя возвратился еси,идеже и дух свой благочестно предал еси
Господеви,всечестне; к лику преподобныхПечерских причтен,с нимиже молися Христу,всечестне,
спастися душам нашим.
754. 23 окт. Собор Волынских святых (19.10.2006 18:30)
Величаем вас,вси святии земли Волынския,и чтим святую память вашу,
вы бо молите за нас Христа Бога нашего.
Слава Отцу и Сыну и Святому Духу,и ныне и присно,и во веки веков,аминь.
39. 23 октября. 26-ти преподобномученикам Зографским(1284г.) (21.10.2003 12:02)
Тривеличайшия светильники,всех преподобномученик Богоизбранный полк,двадесять и шесть
Божественныя обители Зографския отец,почтим,прелесть латинскую обличившия и насильственно
во огни скончавшиеся;Фому пастыреначальника,священнаго Варсонофия,достославнаго Парфения
и прочия,подвизавшияся,сошедшеся,песньми почтим,сии бо Троицу Святую присно о нас умоляют.
438. 23 окт.Мчч.Евлампия и Евлампии(303-311г.г.) (21.10.2003 11:36)
Доблия мученики и братию по плоти,мудраго Евлампия и Евлампию почтим,
тии бо пребеззаконных кознодейства посрамиша силою Распеншагося:
сего ради явишася мучеников слава,купно и похвала.
180. 4 ноября.КАЗАНСКОЙ иконы Божией Матери (02.11.2002 15:47)
Избранней от всех родов Заступнице рода христианскаго,покровом Своея благости покрывающей
страну нашу православную,благодарственная пения приносим Ти,Богородице,о явлении чудныя Твоея
иконы.Ты же,яко Всемилостивая,всех притекающих к Тебе помощнице,заступай нас во всех скорбех
и нуждех,бедах и напастех,да зовем Ти:Радуйся,Заступнице усердная рода христианскаго.
176. 23 октября.Преподобного Амвросия Оптинского (22.10.2002 13:11)
Яко к целебному источнику,притекаем к тебе,Амвросие,отче наш,
ты бо на путь спасения нас верно наставляеши,молитвами от бед и напастей охраняеши,
в телесных и душевных скорбех утешаеши,паче же смирению,терпению и любве научаеши.
Моли Человеколюбца Христа и Заступницу усердную спастися душам нашим.
Завет Пастыреначальника исполнив,старчества благодать наследовал еси,
болезнуя сердцем о всех с верою притекающим к тебе.Темже и мы,чада твоя,
с любовию вопием ти:отче святый Амвросие,моли Христа Бога спастися душам нашим.
---------------------------------------------------Воистину дивен Бог во святых Своих,Пустыню Оптину якоже вертоград старчества явивый,
идеже богопросвещеннии отцы,тайная сердца человеческаго ведуще,народа Божия печальницы
доблии явишася:сии бо на путь покаяния грехом отягощенныя наставиша,в вере колеблющияся светом
Христова учения просветиша и Божией премудрости научиша,страждущим и немощным спострадаша
и исцеления дароваша,ныне же во славе Божией пребывающе,молятся непрестанно о душах наших.
175. 23 октября.Андрею Тотемскому,Христа ради юродивому,блаженном (22.10.2002 12:43)
Терпением и мужеством Христа ради юродство воспринял еси,блаженне Андрее,
в посте и бдении пребывая,тягость зноя летняго понесл еси,и мрази зимние терпя,
темже и ныне приходящим с верою к тебе,исцеление неоскудно подаеши,
моли Христа Бога спастися душам нашим.
174. 23 октября.Собору всех Волынских святых (20.10.2002 13:35)
Приспе день светлаго торжества,люди Волынстии радуются,и с ними вся Российская Церковь
ликовствует в псалмех и пениих,и песнех духовных,днесь бо,яко же солнце незаходимое,всем возсия
память святых и Богомужных угодников и чудотворцев Волынских:святителя Стефана чуднаго,
иерархом Волынским первопрестольника,и святаго благовернаго Ярополка,блаженнаго страдальца
Богомужнаго,и с ними Амфилохия святителя Волынскаго,и победоноснаго Феодора,Острожскаго князя
Богодарованнаго,и преподобнаго Иова Почаевскаго присноблаженнаго,ихже молитвами,Господи,землю
отеческую нашу в Православии и мире утверди,и спаси всех имуще купно о нас Молитвенницу
усердную,Пресвятую Матерь Свою Богородицу,благодатно сияющую в цельбоносней стопе Своей
и чудотворней иконе на горе Почаевстей и заступленьми прочих угодников Волынской паствы,
Иулиании,блаженныя девы Ольшанския,и святаго преподобномученика Макария,архимандрита
Овручскаго.