462. 10 октября. Прп. Савватия Соловецкого. Псалмы

1.

462. 10 окт.Прп.Савватия Соловецкого(1435г.) (05.10.2003 17:01)
Удалився мира и водворився в пустыни,добрым подвигом подвизався,злостраданием,
и вниманием,и молитвами: отонудуже и по смерти источаеши исцеления,
Савватие отче наш,моли Христа Бога спастися душам нашим.
741. 10 окт. Апостолов от 70-ти Марка,Аристарха и Зины(1в.) (06.10.2006 16:46)
Всеблаженне Иоанне-Марко,самовидец быв Христа Спаса и деяния Того яве проповедал еси людем,
во тьме седящим,Егоже с южиком твоим,славным апостолом Варнавою,моли спастися душам нашим.
Премудрый и чудный Аристарх,яко ученик Слова
и священный Павлу спутник,священными песньми да восхвалится.
Закона новаго явился еси,Зино,возвеститель,ветхаго беззакония отводя чужемудренныя
и к возновлению жизни преводя зовущия: слава силе Твоей,Господи.
427. 10 окт.Мчч.Каллистрата и дружины его: Гимнасия и иных(304г.) (05.10.2003 16:58)
Многообразныя раны претерпевше и венцы от Бога яве приимше,о нас молитеся,блаженнии,Христу,
память всепразднственную вашу совершающих,величайший Каллистрате,со страдавшими с тобою,
еже умирити паству и люди: Той бо есть верных утверждение.
167. 10 октября.Апостола Марка (07.10.2002 11:47)
27.И говорит им Иисус:все вы соблазнитесь о Мне в эту ночь;ибо написано:поражу пастаря,и
разсеются овцы(Захария 13,7). 50.Тогда,оставивши Его,все бежали. 51.Один юноша,
завернувшись по нагому телу в покрывало,следовал за Ним;и воины схватили его.
52.Но он,оставив покрывало,нагой убежал от них(Мк.14).
== Марку Гробокопателю,Печерскому,в Ближних пещерах ==
Умертвив плотския похоти многим воздержанием и копанием гробов святым,присно,аки мертв,
в пещере живя,мертвыя повелением своим воздвизал еси,Марко прехвальне, мертви и наша
мудрования плотская,и настави нас на течение добродетелей,моля о нас Единаго Человеколюбца.
733. 9 окт. Святителя Тихона,патриарха Московского и всея Руси (06.10.2006 16:35)
Плач,стенание и горе великое,грядущия на Церковь Российскую предзрел еси,Первосвятителю,
обаче Христовою любовию укрепляем,мужественно взывал еси: благословен еси,Боже отец наших.
Святителю отче наш Тихоне,моли Бога о нас.
451. 10 окт.Сщмч.Петра,митр.Крутицкого(1937г.) (05.10.2003 17:10)
Божиим смотрением к святительскому служению святым Патриархом Тихоном
призванный,стаду Христову явился еси страж неусыпный и защитник небоязненный,
священномучениче Петре.Жестокая заточения и дальняя изгнания,страдания и смерть
от богоборцев претерпел еси. Венец мученический прияв,на Небеси ныне радуешися.
Моли Милостиваго Бога,да сохранит Церковь нашу от нестроений,единомыслие и мир
людем Своим дарует и спасет души наша.
Дух мирен и кроток стяжав,твердое упование на милосердие Божие имея,
блюститель верный Церкве нашея и исповедник Христов явился еси,
священномучениче Петре,присный о нас пред Богом
предстателю и молитвенниче о душах наших.
450. 9 окт.Свт.Тихона,Патриарха Московского и всея Руси
(прославление 1989г (05.10.2003 16:53)
Тихостию нрава украшен,кротость и милосердие кающимся являяй,во исповедании православныя
веры и любве ко Господу тверд и непреклонен пребыл еси,святителю Христов Тихоне, молися
о нас,да не разлучимся от любве Божия,яже о Христе Иисусе,Господе нашем.
606. 9 октября. Апостола и евангелиста Иоанна Богослова (05.10.2004 12:25)
Слава Отцу и Сыну и Святому Духу:
Возлег на перси учителя Христа,на вечери Господни,возлюбленне учениче,оттуду познал еси
неизреченная,и небесным всем возгремел еси глас: в начале бе Слово,и Слово бе к Богу,
и Бог бе Слово,Свет истинный,просвещаяй всякаго человека в мир грядущаго,
Христос Бог и Спас душ наших.
И ныне и присно,и во веки веков,аминь:
Со Отцем и Духом славословимый Сын,в вышних от херувимов,первозданнаго наздати хотяй,
всего себе Самаго истощи неизреченно во утробе Твоей,Богородице Всепетая. И из Тебе
воссияв,просвети весь мир Божеством,избавляя идолонеистовства,и в Себе обожив,
на небеса возведе человечество,Христос Бог и Спас душ наших.