509. 24 декабря. Прп. Даниила Столпника (489-490г.г.). Псалмы

1.

509. 24 дек.Прп.Даниила Столпника(489-490г.г.) (16.12.2003 11:58)
Терпения столп был еси,ревновавый праотцем,преподобне:
Иову во страстех,Иосифу во искушениих,и безплотных жительству,
сый в телеси,Данииле отче наш,моли Христа Бога спастися душам нашим.
Якоже звезда многосветлая,ты,возшед,блаженне,на столп,
мир просветил еси преподобными делы твоими,и тьму прелести
отгнал еси,отче.Темже молим тя: и ныне облистай
в сердцах раб твоих незаходящий свет разума.
788. 24 декабря. Преподобного Даниила Столпника(489-490) (18.12.2006 14:02)
Терпения столп был еси,ревновавый праотцем,преподобне,
Иову во страстех,Иосифу во искушениих,и Безплотных жительству
сый в телеси,Данииле,отче наш,моли Христа Бога спастися душам нашим.
541. 24 дек.Прп.Никона Сухого,Печерского(XIIв.),в Ближних пещерах
(16.12.2003 12:04)
Бога Благаго возлюбив,иноческое приял еси житие,и,добре в нем подвизався,
пленен был еси половцы,имиже много мучим,крепкодушне Никоне,
благодатию Христовою свободился еси от них невидимо,и ныне во Свете
пребывая неприступнем,моли спастися нам,твою память почитающим.
638. 24 декабря. Преподобному Даниилу Столпнику(ок.490г.) (19.12.2005 16:43)
Ангельскому житию от юности твоея поревновав,преподобне,восприял еси труды
и подвиги иночества,в них же до кончины самыя пребыв,Богу угодил еси
и славы небесныя сподобился еси. Сего ради похвальная восписуем тебе,
вопиюще таковая: Радуйся,Данииле,молитвами матери твоея испрошенный;
Радуйся,неплодою рожденный. Радуйся,пророческим именем нареченный;
Радуйся,родители твоими на служение Богу обреченный. Радуйся,от юности
чистоту жития возлюбивый; Радуйся,в отрочестве духу плоть свою покоривый.
Радуйся,преподобне отче Данииле,теплый о мире к Богу молитвенниче.
Видевши тебе отроча младо,в обитель иноков пришедшаго,старцы и братия
отрицахуся пострижения сподобити,глаголюще,яко младость юности не может трудов
иноческих понести.Ты же,отвещав,рече:мне еже жити Христос и еже умрети приобретение.
Сего ради вопием о тебе Богу: Слава Тебе,Боже наш.
Новый Иов явился еси миру,досточудне Данииле,множеством обдержим быв скорбей
и искушений; но Давидову кротость,Иаковле беззлобие и целомудрие Иосифово,
паче же терпение Иовле стяжав,вся победил еси. Сего ради вопием тебе сицевая:
Радуйся,преподобне Данииле,сосуде благодати избранный;
Радуйся,чудотворче изрядный.Радуйся,милости Божией стяжателю;
Радуйся,к Богу ближнии предстателю.Радуйся,лучезарный светильниче;
Радуйся,Богом венчанный подвижниче.Радуйся,преподобне отче Данииле,
теплый о мире к Богу молитвенниче.
Проповедует мир весь тебе,преподобне Данииле,демонов прогонителя,
болезней исцелителя и иных многих чудес совершителя. Мы же,Бога
о тебе прославляюще,вопием Ему: Слава Тебе,Боже наш.
Во вся оружия Божия облекийся,преподобне отче Данииле,возмогл еси стати
противу всем кознем диавольским,на столпе третием,и превысочайшем,
Благодарственне тебе созданном,подвизался еси. И нас,преподобне,
грехми обуреваемых,предстательствы твоими свободи,да зовем тебе сице:
Радуйся,ходатаю всем спасения;Радуйся,приводяй грешных ко исправлению.
Радуйся,скорбящим подаяй утешение;Радуйся,злых приводяй к постыжению.
Радуйся,духов искусителей прогонителю;Радуйся,покаяния насадителю.
Радуйся,преподобне отче Данииле,теплый о нас к Богу молитвенниче.
Всякия скорби,болезни,искушения,на столпе подвизаяся,преподобне отче Данииле,
претерпел еси. И всем сим,бываемым тебе,помощию Божиею,победитель явился еси.
Сего ради вопием о тебе Богу: Слава Тебе,Боже наш.