530. 21 января. Преподобного Георгия Хозевита (VIIв.). Псалмы

1.

530. 21 янв. Преподобного Георгия Хозевита(VIIв.) (13.01.2004 12:20)
Явился еси светило пресветлое,Георгие,озаряя Божественными зарями верно зовущия ти:
моли о нас Владыку Христа,явльшагося во струях и просвещшаго земнородныя.
531. 21 янв.Прп.Паисия Угличского(1504г.) (13.01.2004 12:41)
Христовы ради любве отечество и род оставил еси,и,ангельскому житию поревновав,
в пустыню вселился еси,в нейже многотрудное житие явил еси и чудес дарования
от Бога приял еси,Паисие преподобне,моли Христа Бога спастися душам нашим.
508. 21 янв.Свщм.Исидора,пресвитера и с ним 72 мчч.в Юрьеве (13.01.2004 12:37)
Страстотерпцы Господни блаженнии,Православную веру Христову со дерзновением
проповедасте и на судищи учения врагов неправая обличисте,того ради и ввержени бысте,
святии,во глубину речную,души же ваша вселишася в Небесныя кровы,идеже со святыми
предстояще Престолу Царя всех Бога,молитеся Ему за вся православныя люди,
подвиги ваша честно почитающия.
564. 21 янв. Прп.Григория,затворника Печерского(XIII-XIVв.в.) (13.01.2004 12:30)
Пещерный житель и в телеси Ангел и чудотворец явился еси,Богоносе отче наш Григорие,
постом,бдением,молитвою Небесная дарования приим,исцеляеши недужныя и души верою
приходящих ти. Слава Давшему ти крепость,слава Венчавшему тя,
слава Действующему тобою всем исцеления.
563. 21 янв. Прп.Григория,чудотворца Печерского(1093г.) (13.01.2004 12:24)
Великих дарований приемниче и великих чудес силою Божиею творителю,
пречудне отче Григорие,яко велие дерзновение имея ко Христу Богу,
непрестанно о нас молися Ему,да грехов оставление подаст душам нашим.