Прп. Марона, пустынника Сирийского (IVв.)

1.

611. 27 февраля. Прп.Марона,пустынника Сирийского(IVв.) (29.01.2006 13:23)
О,возлюбленная и священная главо,преподобне и богоносне отче наш Мароне!
Назирай свыше милостивно нас грешных,и молися Всещедрому Владыце
и всех благ Подателю Богу о соблюдении державы нашея и сохранити ее
от всех врагов целу и неврежденну. Буди же молебник и о нас недостойных.
Ко Всеблагому Господу честнии твои руце простри и от Него милость и щедрость
испроси,имиже от всех бед и лютых болезней нас сохрани,и от всяких страстей
свободи,такожде от нестерпимыя и неутишимыя огневицы и трясавицы
молитвами твоими избави нас и от нападения бесов; от видимых и невидимых
врагов соблюди,и согрешениям нашим прощение испроси,и спасены Христу нас
представи,во еже в день Страшнаго Суда,с радостию предстати нам пред лицем
неизреченныя славы Его,и милостивное призвание в Царство Небесное от Него
услышати,и в неизреченней радости преславную Его лица доброту узрети,
благодатию и человеколюбием Господа Бога и Спаса нашего Иисуса Христа:
яко держава Его благословена и препрославлена,со Безначальным Его Отцем
и с Пресвятым и Благим и Животворящим Его Духом,ныне и присно,
и во веки веков. Аминь.
200. 27 февраля.Преподобного Авксентия(ок.470г.)
(19.02.2003 13:24)
Пустынный житель и в теле Ангел,
и чудотворец явился еси,богоносе отче наш Авксентие,
постом,бдением,молитвою Небесная дарования приим,
исцеляеши недужныя и души верою притекающих ти.
Слава Давшему тебе крепость,слава Венчавшему тя,
слава Действующему тобою всем исцеления.
Насладився,богомудре,воздержания,и желания плоти твоея
обуздав,явился еси,верою сияя,якоже сад посреде рая
процвел еси,Авксентие,отче священне.