Во имя Отца и Сына и Святого Духа. Аминь

1.

748. (15.09.2006 15:00) Во имя Отца и Сына и Святого Духа.Аминь
747.21 сент.Чтимой иконы Рождества Пресвятой Богородицы ЛУКИАНОВСКАЯ(15.09.2006 14:50)
Святую гору Божию и селение Вышняго мудрствующе Тя,Дево Чистая,зовем:
слава Ти,матерем и девам Славо,и Похвало человеческаго рода.
Слава Отцу и Сыну и Святому Духу,и ныне и присно,и во веки веков,аминь.
746. 21 сент. Чтимой иконы Рождества Пресвятой Богородицы ГЛИНСКАЯ (15.09.2006 14:45)
По Божественному существу Отцу Своему Единосущественный Бог Слово,от Девы единоестествен
человеком явися,плоть прием из пречестних кровей,и Благословенную нарек Свою Матерь.
Днесь благовернии людие,осеняемии святым Богоматери образом,во умилении глаголем:
Владычице,помози рабом Твоим в напастех,скорбех и болезнех,обремененны бо грехми многими,
и избави ны от всякаго зла,молящи Сына Твоего,Христа Бога нашего,спасти души наша.
Аще и многажды икона Твоя,Богородице,уносима бысть с места явления,обаче чудесне
в пустыню возвращашеся,отонудуже всем верным подает благо потребное.
Пресвятая Богородице,спаси нас.
745. 21 сент. Чтимой иконы Рождества Пресвятой Богородицы СЯМСКАЯ (15.09.2006 14:36)
Тя Заступницу мира и Богоматерь всего живота моего,и спасение предлагаю,
Ты бо Бога рождши спасти можеши поющия Тя,и в заступление крова Твоего притекающих.
744. 21 сентября. Рождество Пресвятой Владычицы нашей Богородицы (15.09.2006 14:32)
Боготечную звезду,от Назарета возсиявшую и весь мир просветившую,зрим Тя,Пресвятая Дево:
мал бо бе град,егоже освятила еси рождеством Твоим,и презираем бе у людей,чесо ради вси
глаголаху: от Назарета может ли что добро быти? Обаче немощная и уничиженная избра Бог,
да крепкая посрамят,и яви от Назарета Тя всему миру Цвет Неувядаемый,девством присноцветущий,
всех святых Святейшую Деву,греха во всем житии Своем не единаго же познавшую,
да вси о Тебе благодарственно воспоем Богу: Слава Тебе,Боже наш.
749. 21 сент. Чтимой иконы Рождества Пресвятой Богородицы ХОЛМСКАЯ (15.09.2006 15:00)
Пресвятей Деве Богородице,дивными иконами Своими,яко звездами,Церковь Православную
украсившей и православным людем земли Холмския пречудный образ сей даровавшей,
благодарственное воспеваем пение; Ты же,Пречистая,укрепи нас в Православной вере,
да зовем Ти: радуйся,Царице небесе и земли и любящая Мати всех с верою чтущих Тя.
Величаем Тя,Пресвятая Дево,и почитаем честную икону Твою,юже от лет древних
во граде Холме прославила еси.
754. 21 сент. Чтимой иконы Рождества Пресвятой Богородицы ДОМНИЦКАЯ (15.09.2006 15:21)
Гору святую,превышнее Носило,Матерь Божию и Деву Истинную по рождестве воспоим.
Пресвятая Богородице,спаси нас.
753. 21 сент. Чтимой иконы Рождества Пресвятой Богородицы ЛЕСНИНСКАЯ (15.09.2006 15:16)
Хотением смотрения Своего вся сотворивый,Пречистая,из Тебе воплотивыйся Бог Истинный,
и Человек Совершенный.
Слава Отцу и Сыну и Святому Духу,и ныне и присно,и во веки веков,аминь.
752. 21 сент. Чтимой иконы Рождества Пресвятой Богородицы ПОЧАЕВСКАЯ (15.09.2006 15:12)
Источник исцеления и веры Православныя утверждение Почаевская Твоя икона,Богородице,явися,
темже и нас,к ней притекающих,от бед и искушений свободи, Лавру Твою невредиму сохрани,
Православие во окрест стоящих странах утверди и грехи разреши молитвенник Твоих:
елика бо хощеши,можеши. Пресвятая Богородице,спаси нас.
750. 21 сент. Чтимой иконы Рождества Пресвятой Богородицы Курская (15.09.2006 15:05)
Песнь всяку духовную принесем Богородице.
Величаем Тя,Пресвятая Дево,и чтим образ Твой честный,имже показала еси преславное знамение.