Песнь хвалебная святого Амвросия

1.

593.
(15.12.2005 15:29)
Во имя Отца и Сына и Святого Духа.Аминь
592. 20 декабря. Свт.Амвросия,еп.Медиоланского(397) (06.12.2005 12:45)
Песнь хвалебная святого Амвросия,епископа Медиоланского
Тебе Бога хвалим,Тебе Господа исповедуем,Тебе превечнаго Отца вся земля величает;
Тебе вси ангели,Тебе небеса и вся Силы,Тебе Херувими и Серафими непрестанными гласы взывают:
Свят,Свят,Свят Господь Бог Саваоф,полны суть небеса и земля величества славы Твоея,
Тебе преславный апостольский лик,Тебе пророческое хвалебное число,Тебе хвалит пресветлое
мученическое воинство,Тебе по всей вселенней исповедует Святая Церковь,Отца непостижимаго
величества,спокланяемаго Твоего истиннаго и Единороднаго Сына и Святаго Утешителя Духа.
Ты,Царю Славы Христе,Ты Отца присносущный Сын еси:Ты,ко избавлению приемля человека,
не возгнушался еси Девическаго чрева; Ты,одолев смерти жало,отверзл еси верующим
Царство Небесное; Ты одесную Бога седиши во славе Отчей,Судия приити веришися.
Тебе убо просим: помози рабом Твоим,ихже честною Кровию искупил еси. Сподоби со святыми Твоими
в вечной славе Твоей царствовати. Спаси люди Твоя,Господи,и благослови достояние Твое,исправи я
и вознеси их вовеки;во вся дни благословим Тебе и восхвалим имя Твое во век и в век века.
Сподоби,Господи,в день сей без греха сохранитися нам. Помилуй нас,Господи,помилуй нас:
буди милость Твоя,Господи,на нас,якоже уповахом на Тя; на Тя,Господи,уповахом,
да не постыдимся во веки. Аминь.
787. 20 декабря. Преподобного Нила Столобенского(1554) (17.12.2006 12:25)
Бодренными твоими молитвами,отче Ниле,и жестоким воздержанием Богу на земли добре угодил еси,
и сего ради быв страшен врагом и славен человеком. Преподобне отче наш Ниле,моли Бога о нас.
843. 20 декабря. Селигерской(Владимирской)иконы Божией Матери (17.12.2006 12:29)
Источаеши исцелением струи болящим,Дево,всюду:Тя бо источник показа исцелений,Владычице,
Иже милости Господь,из Тебе рождейся паче ума.
Слава Отцу и Сыну и Святому Духу,и ныне и присно,и во веки веков,аминь.
537. 20 дек.Прп.Антония Сийского(1556г.) (15.12.2003 12:15)
Желанием духовным распалився и мятежи мирския отринув,ко единому же Богу любовию
прилепился еси,и Того вседушне взыскуя,во внутреннюю пустыню отшел еси,при водах вселився,
идеже во слезах и трудех пребывая многолетное время,в терпении мнозем житие Ангельское
проходил еси,в наставлениии Божественнаго разума; и множество монахов собрал еси,мудре,
ихже посещая,не остави,Антоние преподобне отче наш,Пресвятей Троице моляся,от зол всяческих
избавити,и спасти души наша.
От юности,преподобне,плоть твою в постех и молитвах истончил еси и,крест твой взем,Христу
последовал еси: темже и к вышним течение радостно совершил еси,идеже со всеми святыми
Святей Троице предстоиши.И ныне стадо твое посещая,поминай чтущих пресвятую память твою,
да вси благодарне вопием ти: радуйся,богомудре Антоние,наставниче пустынный.
536. 19 дек.Святителя Николая,архиеп.Мир Ликийских,чудотворца (14.12.2003 14:35)
Всякия утоли болезни,великий наш заступниче Николае: растворяя благодатная врачевания,
услаждающая души наша,сердца же веселящая всех усердно к помощи твоей притекающих,
Богу же вопиющих: Слава Тебе,Боже наш.
507. 20 дек.Прп.Нила Столобенского(1554г.) (15.12.2003 12:02)
Ублажаем тя,преподобне отче Ниле,и чтим святую память твою,
наставниче монахов и собеседниче Ангелов.
210. 20 декабря.Преподобного Нила Столобенского (17.12.2002 13:28)
Отечества,преподобне,удалився,в пустыню вселился еси,и,на остров Селигера езера возшед,
жестоко житие показал еси,и,многих добродетельми удивив,дарование чудес от Христа приял еси.
Поминай нас,чтущих память твою,да зовем ти:радуйся,Ниле,отче наш.
506. 20 дек.Свт.Амвросия,еп.Медиоланского(397г.) (15.12.2003 12:00)
Божественными догматы облистая,помрачил еси Ариеву прелесть,священнотаинниче и пастырю
Амвросие,чудодействуя же силою духа,страсти различныя яве исцелил еси,отче преподобне,
Христа Бога моли спастися душам нашим.
761. 20 декабря. Святителя Амвросия,епископа Медиоланского(397)
Величаем тя,святителю отче Амвросие,и чтим святую память твою,
ты бо молиши за нас Христа Бога нашего.
(17.12.2006 12:21)