Хавр - җилин хамгин сәәхн кем

1.

Хавр
Хавр – җилин хамгин сәәхн кем. Хаврар
ноһан һарна. Теегин цецгүд цецгәлнә. Урһа
моддыг хамтхасд кеерүлнә.
Хаврт хөд хурһлна. Шин һарсн ноһан
заагт олн зүсн бамб цецгүд үзгднә. Өвснә сәәхн
үнр каӊкнна. Тег хаврар күүнә нүд авлна.
Хаврар тәрәһән тәрәд, һарудт боднцган
суулһна. Эдл-ахус буудя, эрднь-иш тәрнә.
Дулан һазрт үвлзсн шовуд нисч ирнә. Торһан,
үкр харин җирглһн өдрин дуусн соӊсгдна.

2.

Җивртә гиичнр
Хаврин гиичнр – үкр хармуд нисәд ирчкв. Ноһана белдсн герт
хойрнь ирҗ бәәршлв. Үкр хармуд модна ац деер сууһад, ишкрҗ дуулснь
соӊсгдна. Нег дәкҗ Ноһан модна ац дор зогсчала. Тер цагла үкр хар
амндан өт зуусн нисч ирв. Үүрт суусн үкр харнь тер өтиг хоӊшарарн
авч зальгв. Үкр хар иньгтән хотынь өдрт кесг дәкҗ зөөнә. Удл уга
һууҗмулмуд һарв. Эк эцк хойрнь мана һарудас өт, хорхас авад, эднән
асрдг болв. Үкр хармуд күүнд нөкд болдг шовуд.
Куукан А.

3.

Хаврт мана теегүр
тоһруд нисч ирнә. Тедн
бәәршдг һазртан ирҗ зогсна.
Бәәршдг һазрнь – цуг өргн тег.
Нидн җилд
хойр
тоһрун Найнтахнд ирв. Тернь
учрта билә. Намрар теднә нег
бичкн үрнь җивртән шав авч.
Эк-эцктәһән
нисч
чадлго,
Найнтахнд үлдҗ. Тоһруг кеер
тенҗ йовтлнь, туһлч өвгн
Текә үзҗ. Текә тоһруна үриг
гертән авч ирлә. Ач көвүн
Арслӊтаһан
шовуг
асрад
эдгәҗ.
Хавртнь
Арслӊ
терүгән теврәд, хойр тоһруг
тосч. Үрән үзсн тоһруд
байрлҗ.
Тоһруд

4.

Сал тег
Хавр. Сал тег хаврин цагт йир сәәхн! Теӊгрт торһа җиргнә. Кеер хурһд,
хөд мәәлднә. Тег эӊ зах уга кевс мет кетнә. Теегин бамб цецгүд улан,
оошк, шар, цаһан өӊгәрн дөрвн үзгтән гекҗ нәәхлнә. Бамб цецгәлә
дөрлдҗ хоӊх цецгә, нань чигн олн цецгүд таалмҗта сенр үнрәр каӊкнна.
Теегин сәәхн бәәдләс чееҗ дүүрнә. Нисх дурн күрнә! Өргәд дуулх дурн
ирнә!
Балакан А.

5.

Хаврин йөрәл
Цасн шулун хәәлҗ,
Цандг-усн элвгдҗ.
Нарни герл дуладҗ,
Ноһан, өвсн нәәхлҗ,
Хулха, худл уга,
Хов-хуҗ уга
Әмтн делкә цуһарн
Амулӊ менд бәәтхә!

6.

Харада
Харада шовун, харада
Хаврин зәӊг зөөнә.
Халяд, инәһәд ниснә,
Хаврин айсар биилнә.
Нарн һазр ээнә,
Ноһан нигтәр урһна.
Ноһана бетк болһнд
Намчта цецгүд шавшна.
Эрнҗәнә Константин
Хавр, сәәхн хавр,
Халун нарта хавр.
Хавр, шуугата хавр,
Хамг баһчудын байр.