422. 2 октября. Блгв. кн. Феодора Смоленского и чад его. Псалмы

1.

422. 2 окт.Блгв.кн.Феодора Смоленского(1299)и чад его (29.09.2003 12:24)
От юности вашея Христови любви прилепившеся,святии,усердно закон и оправдания Того сохранисте:
отонудуже и чудесными дарованьми обогатившеся,исцеления источаете,Феодоре,Давиде и
Константине,о верою вас почитающих,молите Христа Бога спастися душам нашим.
Явися велие солнце Христове Церкви,просвещая учением светлостьми,всечестне,яко черпалом златым
от кладезя неископаннаго чудес почерпл еси от Источника неистощимаго,на успение свое
приспел еси,всеблаженне Феодоре,ныне всем даеши грехов прощение.
443. 2 окт.Мчч.Трофима,Савватия и Доримедонта(276г.) (29.09.2003 12:15)
В Троице хвалимый Бог,троицу мученик прослави,Трофима и Савватия и Доримедонта:
в Того бо веровавше,врага низложиша.Тех молитвами,Христе Боже наш,помилуй нас.
Яко страдальцев основание и благочестия утверждение,Церковь чтит и славит твое светоносное
страдание,приснопеваемый блаженне страдальче,долемудре славне Трофиме,
со страдавшими с тобою,очищение поющим тя испроси,яко непобедимь.
455. 2 окт.Блгв.вел.кн.Игоря Черниговского и Киевского(1147г.) (29.09.2003 12:34)
Величаем тя,страстотерпче святый княже Игоре,и чтим святую память твою,
ты бо молиши о нас Христа Бога нашего.
391. 2 окт.Сщмч.Константина(Голубева)протоиерея,и с ним двух мучеников (29.09.2003 12:31)
Украшение священников явился еси Константине,восприем бо крест яко оружие,проповедию славною
устраняя раскол и ереси,благовествовал еси Иисуса Христа,глаголя: спасайтеся от рода сего
развращеннаго. Сего ради мученическою кровию обагрися,славне,и ныне радуяся с лики
ангельскими,моли Христа Бога Церковь Всероссийскую от ересей и расколов сохранити
и спасти души наша.