Песнопения из служб Триоди Постной

1.

530. Песнопения из служб Триоди Постной (01.03.2004 12:04
Покаяния отверзи ми двери,Жизнодавче,утренюет бо дух мой ко храму святому Твоему,
храм носяй телесный весь осквернен:но яко Щедр,очисти благоутробною Твоею милостию.
На спасения стези настави мя,Богородице,студными бо окалях душу грехми,и в лености
все житие мое иждих: но Твоими молитвами избави мя от всякия нечистоты.
Множество содеянных мною лютых,помышляя окаянный,трепещу страшнаго дне суднаго:
но надеяся на милость благоутробия Твоего,яко Давид вопию Ти:
помилуй мя,Боже,по велицей Твоей милости.
Фарисеева убежим высокоглаголания,и мытареве научимся высоте глагол смиренных,
покаянием взывающе: Спасе мира,очисти рабы Твоя.
----------------------------------------------------Объятия Отча отверзи ми потщися: блудно иждих мое житие,на богатство неиждиваемое
взираяй щедрот Твоих,Спасе; ныне обнищавшее мое сердце не призри.Тебе бо,Господи,
во умилении зову: согреших,Отче,на небо и пред Тобою.
Отеческия славы Твоея удалихся безумно,в злых расточив,еже ми предал еси богатство.
Темже Ти блуднаго глас приношу:согреших пред Тобою,Отче щедрый,приими мя кающася
и сотвори мя яко единаго от наемник Твоих.
Тебе и стену и пристанище имамы,и Молитвенницу благоприятну к Богу,Егоже
родила еси Богородице Безневестная,верных спасение.
-----------------------------------------------------Помышляю день страшный и плачуся деяний моих лукавых: како отвещаю Безсмертному
Царю? коим же дерзновением воззрю на Судию блудный аз? Благоутробный Отче,
Сыне Единородный,Душе Святый,помилуй мя.
Егда приидеши,Боже,на землю со славою,и трепещут всяческая: река же огненная
пред судищем влечет,книги разгибаются,и тайная являются: тогда избави мя
от огня неугасимаго и сподоби мя одесную Тебе стати,Судие Праведнейший.
-----------------------------------------------------Изгнан бысть Адам от райския сладости снедию горькою,в невоздержании заповеди
не сохрани Владычни,и осудися делати землю,от неяже взят бысть сам,потом же многим
ясти хлеб свой.Темже мы возлюбим воздержание,да не вне рая возрыдаим,якоже он,
но в него внидем.
Премудрости Наставниче,смысла Подателю,немудрых Наказателю,и нищих Защитетелю,
утверди,вразуми сердце мое,Владыко! Ты даждь ми слово,Отчее Слово,се бо устне мои
не возбраню,во еже звати Тебе: Милостиве,помилуй мя падшаго.
566. 1 марта. Великомученика Феодора Тирона(ок.306г.) перех.
(16.02.2004 12:59)
Божественным подвигом,мучениче Христов,подвигся и течение скончав,
веру соблюл еси Божественную правды обрел еси венец.
247. Прп.Кассиану Римлянину(IVв.) (21.02.2003 13:40)
Постом предочистився,премудрости постигл еси разумение,
от пустынных же Богоносных отец научился еси страстей обузданию.
Того ради подаждь нам твоими молитвами плоти нашея духу послушание:
еси бо наставник,Кассиане преподобне,всем поющим о Христе твою память.
59. повседневное правило (28.02.2002 11:57)
Говорит ли кто,говори как слова Божии.(1Петр.4,11)
16.А непотребного пустословия удаляйся;ибо они/неверные/еще более
будут преуспевать в нечестии,
17.И слово их,как рак,будет рапространяться.(2Тим.2)