531. Песнопения из служб Триоди Постной (продолж.). Псалмы

1.

531. Песнопения из служб Триоди Постной(продолж.)
(02.03.2004 12:58)
Поста божественным начатком умиление стяжим,от души вопиюще: Владыко Христе,молитву нашу
приими,яко избранное кадило,и избави нас,молимся,злосмрадныя тли
и муки страшныя,яко Един сый благоуветливый.
Прииде пост,мати целомудрия,обличитель грехов,проповедник покаяния,жительство ангелов
и спасение человеков,вернии возопиим: Боже,помилуй нас.
-----------------------------------------------------Помощник и Покровитель бысть мне во спасение: Сей мой Бог,и прославлю Его,Бог отца моего,
и вознесу Его: славно бо прославися.
От нощи утренююща,Человеколюбче,просвети,молюся,настави и мене на повеления Твоя,
и научи мя,Спасе,творити волю Твою.
Согрешихом,беззаконновахом,неправдовахом пред Тобою,ниже соблюдохом,ниже сотворихом,
якоже заповедал еси нам: но не предаждь нас до конца,отцев Боже.
Пресвятая Владычице Богородице,моли о нас грешных.
Слава Отцу и Сыну и Святому Духу:
Господи,аще не быхом святыя Твоя имели молитвенники и благостыню Твою милующую нас,
како смели быхом,Спасе,пети Тя,Егоже славословят непрестанно ангели?
Сердцеведче,пощади души наша.
И ныне и присно,и во веки веков,аминь:
Многая множества моих,Богородице,прегрешений! К Тебе прибегох,Чистая,спасения требуя:
посети немощствующую мою душу,и моли Сына Твоего и Бога нашего,дати ми оставление
яже содеях лютых,Едина Благословенная.
Всесвятая Богородице,во время живота моего не остави мене,человеческому предстательству
не ввери мя,но Сама заступи и помилуй мя.
Все упование мое на Тя возлагаю,Мати Божия: сохрани мя под кровом Твоим.
Снедию древле горькою изринувшеся из рая,воздержанием страстей потщимся внити,
взывающе Богу нашему: на кресте прострый длани Твоя,оцет пивый и желчь вкусивый и болезни
перетерпевый от гвоздей,горчайшия сласти вся от душ наших изгвоздивый,ради благоутробия щедрот,
спаси рабы Твоя.
Постящеся,братие,телеснее,постимся и духовне: разрешим всякий союз неправды,расторгнем
стропотная нуждных изменений,всякое списание неправедное раздерем: дадим алчущим хлеб,
и нищия безкровныя введем в домы,да приимем от Христа Бога велию милость.
Ныне силы небесныя с нами невидимо служат: се бо входит Царь Славы,се Жертва Тайная
совершена дориносится. Верою и любовию приступим,да причастницы жизни вечныя будем.
Слава Тебе,Боже наш.
Омрачена мя прелестьми борца,Христе мой,просвети,омрачивый на кресте висяй солнце иногда,
и просветивый верным свет истинный,оставления яве,яко да ходяй во свете Твоих повелений
достигну чисте воскресения Твоего зарю спасительную.
Приидите,вернии,делаим во свете дела Божия: яко во дни благообразно ходим; всякое неправедное
списание от себе ближняго отымем,не полагающе претыкания сему и соблазн; оставим плоти
сладострастие,возрастим души дарования,дадим требующим хлеб,и приступим Христу
в покаянии вопиюще: Боже наш,помилуй нас.
Благословен еси,Господи,Боже отец наших,и хвально и прославлено имя Твое во веки.
Ныне время делательное явися,при дверех суд,востанем убо постящеся,принесем слезы умиления,
милостынями,зовуще: согрешихом паче песка морскаго,но ослаби,Содетелю всех,яко да приимем
нетленныя венцы.